Login to your account

Username *
Password *
Remember Me

Vise-MI ho UNODC Hahú Diskute Kombate Kriminalidade iha TL

Vise-Ministru Interior, Antonio Armindo, hamutuk ho Koordenadór Rezidente ONU nian iha Timor-Leste, Roy Trivedy hala’o vídeo konferénsia ho Diretór Rejionál UN Office ba Droga no Krime (UNODC), Jeremy Douglas. Vise-Ministru Interior, Antonio Armindo, hamutuk ho Koordenadór Rezidente ONU nian iha Timor-Leste, Roy Trivedy hala’o vídeo konferénsia ho Diretór Rejionál UN Office ba Droga no Krime (UNODC), Jeremy Douglas. Foto Suplay

Tempotimor (Dili)-Vise Ministru Interior, Antonio Armindo hamutuk ho Koordenadór Rezidente ONU nian iha Timor-Leste, Roy Trivedy hala’o vídeo konferénsia ho Diretór Rejionál UN Office ba Droga no Krime (UNODC), Jeremy Douglas, hodi ko’alia kona-ba oinsá atu explora saida mak UNODC, atubele ajuda Governu Timor-Leste servisu maka’as hodi kombate krime no tráfiku droga husi autór rede krime organizadu sira iha Timor-Leste (TL).

“Ohin ita halo vídeo konferénsia ho Diretór Rejionál UN Office ba Droga no Krime nian hodi halo diskusaun no rekomendasaun balu kona-ba prioridade Guvernu Timor-Leste nian ba prevensaun hodi kombate kriminalidade liliu haree ba kontra bandu no tráfiku umanu”, dehan Antonio Armindo, hafoin enkontru iha rezidente ofisiál ONU nia iha Kaikoli, tersa (22/02).

Antes ne’e asina ona akordu ho Organizasaun Internasionál ba Migrasaun (IOM) hodi reforsa jestaun fronteira ne’ebé hetan apoiu husi Guvernu Austrália liuhusi Departamentu Asuntu Interna

“Guvernu Austrália liuhusi Departamentu Home Affairs finansia IOM hodi apoiu Sistema Informasaun Jestaun Fronteira ida hanaran MIDAS hodi ajuda haforsa kapasidade jestaun fronteira no kontrolu migratóriu iha Timor-Leste no sistema ne’e la’ós atu halo de’it monitorizasaun ba movimentu ema tama no sai maibé mós atu deteta no impede ameasa inklui krime organizadu, terorizmu no tráfiku umanu”, esplika nia.

Tanba misaun prinsipal UNODC nian mak atu kontribui ba paz no seguransa globál, direitu umanus no dezenvolvimentu hodi halo mundu ida ne’ebé seguru kontra droga, krime, korrupsaun no terorizmu.

“Ita hatene UNODC globál no rejionál foka liuba droga no krime, entaun ida ne’e pasu importante ida atu komplementa servisu ne’ebé mak IOM no TLPDP halo daudaun ne’e hodi kolabora no haforsa di’ak liután servisu iha Timor-Leste liliu kapasidade membru PNTL-UPF, Servisu Migrasaun no Alfandega nune’e ba futuru Timor-Leste labele sai pontu movimentu merkaduria ilisitu ba Austrália no Nova Zelándia”, hatete nia.

UNODC mós sei komplementa servisu husi Polísia Federal Austrália ne’ebé lidera husi TLPDP iha área sira hanesan, avaliasaun ba krime organizadu transnasionál, intelijensia, jestaun fronteiras nomós dezenvolvimentu kapasidade iha área forensik no sibernetika. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter