Print this page

PNTL Rejista Kazu Violénsia Domestika 400-resin iha 2021

By February 23, 2022 660
Xefe Departentu Gabinete Jeneru PNTL, Superintendente Xefe Julia da Gama. Xefe Departentu Gabinete Jeneru PNTL, Superintendente Xefe Julia da Gama. Foto Suplay

Tempotimor (Dili)-Polísia Nasionál Timor-Leste (PNTL) liuhusi Gabinte Departamentu Jéneru, rejista kazu Violénsia Domestika ne'ebé akontese iha tinan 2021 hamutuk 400-resin

"Durante tinan ida, hahú husi janeiru to’o dezembru 2021, Komandu PNTL, husi Gabinte Departamentu Jéneru, liuhusi Vulnerabel Police Unite (VPU) konsege rejista no atende kazu Violénsia Domestika hamutuk 400-resin, iha teritóriu Timor laran tomak ne'ebé mai ho kategória oioin”, dehan Xefe Departentu Gabinete Jeneru PNTL, Superintendente Xefe Julia da Gama, hafoin partisipa workshop ba femenina PNTL iha Fatuhada, kuarta (23/02).

Kona-ba akompañamentu ba vítima sira, gabinete jéneru halo liña kordenasaun ho doadór sira, hanesan FOKUPERS no PRADET hodi bele halo akompañamentu ba vítima sira.

“Ami parte gabinete jéneru ne'e ami-nian mak fó apoiu seguransa, la'ós atu atende direita, maibé ami-nia doadór sira kontinua akompaña ita-nia vítima sira iha uma mahon”, esplika nia.

Tanba ne’e, PNTL husi Gabinete Jéneru sempre fó apoiu másimu liliu respeita sira-nian prezensa ba aktu krime sira ne'ebé sira iha.

“Durante ne'e prosesu tomak ita halo kordenassun ho FOKUPERS, PRADET no Uma Mahon sira seluk ne'ebé asegura nafatin sira-nian prezensa iha ne'eba emadiatamente lori ba fatin hakmatek”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items