“Tanba agora ita-nia ema sai vítima nafatin e oinsá atu halo mudansa lalais, muda ita-nia ema sira husi ne'ebá, tanba hakarak ka lakohi ita-nia ema sira mak sai vítima, tanba fatin ne'eba la merese duni ba sira atu hela”, dehan nia iha plenária Parlamentu Nasionál, segunda (22/02).

Tanba udan boot ne'ebé akontese iha loron segunda (21/02) konsege hamosu inundasaun inklui ema sira ne'ebé iha Mota Komoro hetan afeta maka’as tanba mota sobu sira-nia uma.

Ba situasaun ne'e, Bankada KHUNTO hakarak husu planu Ministériu Planu Ordenamentu (MPO), to'o ona ne'ebé tanba iha audénsia ba Orsamentu Jerál Estadu (OJE) 2022 ho Komisaun E, Ministru aprezenta planu atu halo uma espesiál hanesan uma kbi'it la'ek ba ema afetadu sira ne'e iha Hera.

“Planu ne'e agora to'o iha ne'ebé ona. Ha'u mós apresia teb-tebes Ministru nia programa ne'e no planu ne'ebe ke di'ak teb-tebes, mais se bele karik husu atu aselera planu ida ne'e, atu nune'e ita bele hasai tiha ita-nia ema sira husi ne'ebá”, afirma nia.

Deputada Bankada CNRT, Maria Fernanda Lai hatete, antes tama ba tempu udan, nia kestiona ona kona-ba normalizasaun, limpeza ba valeta, maibeéida laiha, no nein ema ida rona.

“Agora mak komplikadu boot, bee tama iha ne'ebé-ne'ebé, e dia 4 abril 2021 seidauk rezolve agora situasaun tau tán, Governu iha ne'ebé”, hatete nia.

 Tanba problema boot ne’ebé mosu ekipamentu husi Institutu Jestaun Ekipamentu (IJE) bee lori iha Hera, labele fasilita atu normaliza monta ne’ebé rai henek taka dadaun. (*)