Login to your account

Username *
Password *
Remember Me

CFT Metinaru Hasoru Hela Difikuldade iha Rekursu Umanu

Komandante Komponente Formasaun Treinu, Koronel Infantaria Cesario Salustiano Marsal Ximenes ‘Haksolok'. Komandante Komponente Formasaun Treinu, Koronel Infantaria Cesario Salustiano Marsal Ximenes ‘Haksolok'. Foto Tempo Timor

Tempotimor (Dili)-Komandante Komponente Formasaun Treinu, Koronel Infantaria Cesario Salustiano Marsal Ximenes ‘Haksolok' hatete, problema no difikuldade ne'ebé Sentru Formasaun no Treinu (CFT) Metinaru enfrenta durante ne’e menus iha rekursu umanu.

“Kona-ba formadór ami CFT ida ne’e ami-nia dever no ami-nia misaun, maibé efetivu ida agora lá sufsiente, tanba iha deit instruktór na’in-221 ida ne’e mak difikuldade ba ami hasoru, buat hirak ne'e ita-nia xefe Estadu hatene ona”, dehan Cesario, hafoin simu vizita husu Xefe Estadu Maior Jenerál F-FDTL foun iha CFT, Metinaru, kinta (17/02).

Tanba dezafu no difikuldade sira ne’e prezenta ona ba Xefe Estadu Maior Jenerál F-FDTL foun Tenente Jenerál Falur Rate Laek, tanba ne’e problema saida mak durante enfrenta iha CFT.

Maske problema rekursu umanu ne’ebé enfrenta hela Xefe Estadu Maior Jenerál foun hatene ona, maibé rekursu umanu seidauk sufsiente, tanba foin lalais halo rekrutamentu ba F-FDTL foun hamutuk 598 ne’ebé remata ona treinamentu fulan 5 ne’e CFT halo pedidu husu apoiu kompente sira seluk hodi reforsa fó formasaun.

“Ita-boot sira hakarak hatene ha’u-nia istruktór sira iha CFT ne’e iha efetivu hamutuk 221 mak fó formasaun ba Kandidatu foun 600 ne’ebé mak termina ona sira-nia formasaun fulan 5 ne’e, ami halo pedidu ba komponente sira seluk mai reforsa ami hodi fó formasaun”, dehan nia.

Komponente hotu ne’ebé eziste iha instituisaun F-FDTL hothotu iha asesor internasionál, tanba ne’e iha CFT asesor husi Portugéz ho Australiano mak durante akompaña hodi fó formasaun ba membru sira iha Instituisaun F-FDTL.

“Ami iha asesor na’in-rua ida Australiano no ida seluk Portugéz, tanba ne’e sidadaun se de’it mak hakarak tama iha vida militar tenke hetan formasaun dahuluk iha CFT mak sai fuan ba instutisaun F-FDTL, se de’it mak sai militar tenke hetan Formasaun iha komponente Formasaun Terrenu”, hatete nia.

Matéria ne’ebé durante ne’e fó ba membru F-FDTL sira ida ne’e la presiza públiku atu hatene, tanba ida ne’e siénsia militar nian.

“Kona-ba infraestrutura iha komponente Formasaun Terrenu ita bele dehan sufisiente, maibé presiza iha meilloramentu, tanba iha buat balun ne’ebé mak sei falta”, afirma nia.

Hatan ba preokupasuan ne’e, Xefe Estadu Maior Jenerál Falintil-Forsa Defeza Timor-Leste (F-FDTL), Tenente Jenerál Domingos Rual Falur Rate Laek hatete, difikuldade kona-ba infraestrutura komponente hotu iha instituisaun F-FDTL kontinua enfrenta ba bebeik, tanba ne’e hanesan Xefe Estadu foun sei haree problema saida mak iha atu aprezenta ba Governu hodi bele fó apoiu.

“Ami iha planu anual sira ne’ebé mak iha ami sei ezekuta ida ne’e no ida ne’ebé mak la tama iha planu anual atu implementa iha tinan ida ne’e, iha fulan maiu mai aprezenta hodi bele enkaixa tan ba planu asaun annual”, dehan nia.

Tanba ne’e iha vizita Xefe Estadu foun ba komponente formasaun treinu (CFT), nu’udar jestu ida hodi hato’o kuiñesimentu ba membru no komandante komponente sira hanesan Xefe Estadu Maior Jenerál F-FDTL foun iha instituisaun militar. (*)

Rate this item
(0 votes)
Last modified on Friday, 18 February 2022 13:18
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter