Login to your account

Username *
Password *
Remember Me

PNTL Dili Detein Suspeitu Ida Utiliza Arma Branka

PNTL liuhusi departamentu tranzitu halo pasa revista hela ba transporte sira iha kapital Dili. PNTL liuhusi departamentu tranzitu halo pasa revista hela ba transporte sira iha kapital Dili. Foto Suplay

Tempotimor (Dili)-Komandu Polísia Nasionál Timor-Leste (PNTL) Munisipiu Dili, halo passa revista ba arma branka iha tempu kalan, konsege detein suspeitu ida utiliza arma branka no motorizada hamutuk 40-resin.

Komadante PNTL, Munisípiu Dili, Superintendente Xefe Henrique da Costa hatete, suspeitu ne'ebé PNTL sira kaer tanba lori arma branka ne'e detein kedas ba sela detensaun durante oras 72, no loron aprezenta ba Ministériu Públiku atu nune'e hetan desizaun ruma.

“Suspeitu ida ka’er arma ne'e, ita kaer iha área Dom Aleixo ninia iha Manleuna, ne'ebé ita-nia polísia halo passa revista, wainhira ita-nia Polísia halo passa revista, suspeitu refere kaer hela tudik, entaun ita hatene katak nia iha intensaun ruma, tanba ne'e mak ita-nia patrolli sira kaptura e lori mai aprezenta kedas ba ita-nia investigasaun hodi prosesu, no ohin ita lori ona ba Ministériu Públiku hodi ita bele hetan desizaun ruma”, dehan Superintendente Xefe Henrique da Costa, iha komandu Munisípiu Dili, Kaikoli, segundu (14/02).

Tanba operasaun ne’ebé Komandu Munisípiu Dili, iha loron sesta no sábadu, 11 no 12 fevereiru 2022, kalan nafatin intensifika operasaun liuliu ba patrolia la’o ain, patrolia ho karreta nomós pasa revista iha fatin sira ne'ebé mak konsidera hanesan fatin risku ba problema.

“perasaun ne'ebé ita hala'o iha kalan ne'e, konsege hetan evidénsia motorizada hamutuk 40-resin, pois iha mós suspeitu ida uza arma branka iha tempu ne'ebá”, dehan nia.

 Nune'e mós motorizada sira ne'ebé prende, polísia tránzitu kontinua prosesa hela oinsá ba hirak ne'ebé mak laiha dokumentu ka momentu ne'ebá la uza kapasete ne'e, bele selu iha banku atu nune'e sira bele foti fali sira-nia motorizada.

Entretantu operasaun ne'e sei kontinua nafatin, no eskuadra sira hotu hetan apoiu másimu husi parte Unidade Espesiál Polísia (UEP), Unidade Polísia Marítima (UPM), Unidade Polísia Fronteira (UPF), hodi halo patrolamentu.

“Ita hatene katak iha semana ida ba kotuk ne'e iha insidente lubuk ida, ne'ebé mak rezulta vítima balun, entaun ita-nia operasaun ne'e liga ba ida ne'e, maibé ita mós haree katak agora ne'e prepara-an atu tama ba kampaña prezidensiál ninia, entaun parte seguransa ita tenke hasa’e tan ita-nia atividade atu nune'e garante seguransa iha kampaña nomós ba eleisaun prezidecnsial”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter