Login to your account

Username *
Password *
Remember Me

PNTL Presiza Reforsa Seguransa iha Área Konflitu

Diretór Ezekutivu Fundasaun Mahein (FM), Sancho Xavier. Diretór Ezekutivu Fundasaun Mahein (FM), Sancho Xavier. Foto Tempo Timor

Tempotimor (Díli)-Diretór Ezekutivu Fundasaun Mahein (FM), Sancho Xavier hatete, komandu Polísia Nasionál Timor-Leste (PNTL) tenke foti desizaun hodi reforsa seguransa iha área risku ba konflitu sira iha kapitál Dili.

“Ita haree situasaun sira ne'ebé akontese ne'e limita komunidade nian movimentu iha kapitál Dili, tanba ne'e ita sujere Polísia tenke reforsa seguransa iha área risku ba konflitu sira tanba, liga ba kazu sira ne'ebé akontese iha kapitál Dili iku-ikus ne'e polísia presiza reforsa seguransa iha área risku hodi halo prevensaun ba konflitu”, hatete Sancho Xavier ba Jornalista sira iha nia kna’ar fatin Bairu Sentrál, tersa (08/02).

Tanba prezensa PNTL nian iha área risku ba Konflitu ne'e importante tebes atu movimentu komunidade nian labele hetan impedimentu husi ema kriminozu.

Alende ne'e polísia tenke hatur ona medida prevensaun sira nune'e bele evita konflitu iha fatin sira ne'ebé identifika risku durante ne’e no fó ameasa ba komunidade sira.

“Problema oho malu sira ne'ebé akontese dadaun ne'e ita haree tama ona iha problema sosiál, tanba joven sira laiha servisu no tempu hanesan situasaun polítika ladun di’ak, sira aproveita, tempu hodi kria konflitu ikus mai rezulta ema balun lakon vida”, afirma nia.

Komandante Polísia Munisípiu Dili, Superientendente Xefe Henrique da Costa hatete, oras ne'e dadaun lansa ona operasaun hodi hasa’e volume seguransa iha área ne'ebé mak risku ba konflitu.

“área sira ne'ebé ita identifikadu ona risku ba dezastre mak hanesan, Maslidon, Vilaverde nune'e mós iha Dom Aleixo nian”, deklara Henrique.

Ba Polísia Komandu Munisípiu Dili hetan apoiu husi Forsa Rezerva, Unidade Espesiál Pol’isia (UEP), Unidade Polísia Marítima, (UPM) ho Unidade Polísia Fronteira (UPF) hodi hasa’e volume seguransa iha área risku ba konflitu ne'ebé mak mensiona ona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter