Komadante Komandu PNTL Munisípiu Baukau, Superintendente António De Sá hatete, proteje komunidade nia vida, la'os de'it iha rai maran, maibé iha mós tasi laran, no kalohan leten, tanba ne'e, prezisa mós nesesita ékipamentus adekuadu ba PNTL sira.
"Ita iha plánu ona, enkontru iha nivél nasionál ita hato'o buat ne'e tuir kanal irarkia, ha'u hanesan Komadante Munisípiu hato'o bebeik ba komandu jerál para oinsá hato'o ba ita nia Ministru Interior ne'ebé tutela ba seguránsa nian, nune'e ita nia orgaun soberania sira tau matan responde ba difikuldade ne'ebé iha, hodi bele salva ita nia povu, maibé laiha ekipamentus kondisaun sira ne'e mak, seidauk mellora kapasidade rejolve situasaun hanesan ne'e," dehan Komadante PNTL ba www.tempotimor.com iha estadiu Laikana Baukau, segunda (07/02).
Tanba, ékipamentus ró iha, membru sira bele salva imediatamente komunidade nia vida, bainhira mout iha tasi laran.
"Ita husu la haree ba kuantidade, maibé naran katak iha, ida ga rua hanesan ne'e, sufisiente para ita bele responde," nia afirma
Nune’e, komandu PNTL Munisípiu Baukau kontinua halo formasaun ba membru sira atu ajusta no atualiza kapasidade atu bele utiliza ékipamentus to'o. (*)