Login to your account

Username *
Password *
Remember Me

Rai Nakdoko ho Magnitude 4.9, Hamate Joven Ida iha Kribas

Imajen pontu rai nakdoko ne’ebé foti husi aplikasaun Earthquake. Imajen pontu rai nakdoko ne’ebé foti husi aplikasaun Earthquake. Foto Tempo Timor

Tempotimor (Dili)-Dezastre Naturál udan no anin boot ne’ebé akompaña Rai Nakdoko iha loron sesta (04/02) madrugada ho magnitude 4.9, konsege hamate Silvano Carlos Alves (24), iha Suku kribas, Postu Administrativu Manatutu, Munisípiu Manatutu.

Diretór Jerál Sekretáriu Estadu Protesaun Sivíl (SEPS), Superintendente Polísia Ismael Babo informa, iha akontesimentu ne’e rai halai no fatuk hanehan joven ida mate.

"Horikalan udan anin, inklui rai nakdoko iha ita-nia territóriu, iha parte Same ninia, ho nia magnitude 4.9 no rai halai hanehan ita-nia joven ida Silvano Carlos Alves, ho tinan 24 iha kribas Munisípiu Manatutu”, dehan Superintendente Ismael, iha nia kna’ar fatin Kaikoli, sesta (04/02).

Joven ne'e mate tanba nia movimentu hela iha estrada mak rai halai no fatuk monu kona nia mate iha fatin kedan.

Nune'e ekipa SEPS aproxima kedas ho autóridade lokál liliu Ministériu solidaridade Sosiál Inkluzaun (MSSI) no apoiu ona emerjénsia hodi fó asisténsia ba vítima.

Aleinde ne'e mós, iha semana ida ne'e SEPS rezistu akontesimentu dezastre hamutuk 10,  iha mate rua, ne’ebé ida tanba ai hanehan, no ida mak rai halai fatuk hanehan.

Ho nune'e SEPS husu ba komunidade sira ne'ebé mak viajen husi Dili ba munisípiu, tanke kuidadu ho área sira ne’ebé fasil rai halai no ai sira ne'ebé tohar. (*)

 

Rate this item
(2 votes)
Last modified on Friday, 04 February 2022 20:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter