Login to your account

Username *
Password *
Remember Me

PNTL Kaptura Autór Na’in-28 ba Konfrontu iha Tasitolu

Komandante PNTL, Munisípiu Dili, Superintendente Xefe Henrique da Costa. Komandante PNTL, Munisípiu Dili, Superintendente Xefe Henrique da Costa. Foto SUplay

Tempotimor (Dili)-Polísia Nasionál Timor-Leste (PNTL) Konsege Kaptura ona autór ba kazu konfrontu ne'ebé akontese iha loron tersa (01/02) iha Tasitolu, bainhira ema lori mate isin husi Ospitál Nasionál Guidu Valadares (HNGV) ba rezidénsia iha Maslidun, Suku Komoro, Postu Administrativu Dom-Aleixo, Munisípiu Dili.

Komandante PNTL, Munisípiu Dili, Superintendente Xefe Henrique da Costa hatete, konfrontu ne'e envolve husi Grupu Arte Marsiál (GAM) Ikatan Kera Sakti (IKS) no Grupu Arte Ritual 77, ne’ebé tuda malu kuae iha Kapitál Tomak.

"Sim orsehik, depois de mate isin fila husi HNGV ba Maslidun tuir dalan ataka malu, entre Grupo rua IKS ho 77, no ita identifika iha pontu lima, mak ataka malu, no ita konsege kaptura ema hamutuk na’in-28 ho evidénsia motorizada liu 10-resin”, dehan Superintendente Xefe Henrique da Costa, iha Kuartel Jenerál F-FDTL, Fatuhada, kuarta (02/02).

Bainhira akontesimentu ne'e PNTL nia prezensa másimu no hetan apoiu husi unidade espesiál polísia, unidade Polisia Fronteira, ne'ebé mak destakadu iha Aeroportu Internasionál, nomós Unidade Polísia Maritima no apoiu mós membru sira husi Quartel Jerál konsege espresa ema hirak ne'ebé halo problema.

Dadaun ne'e autór sira ne'ebé PNTL kaptura iha hela parte investigasaun Munisípiu Dili ninia halo hela prosesu tuir dalan legál

Aleinde ne'e mós, iha isidente ida sonan malu no sunu mós uma ida, suspeitu ne'ebé sona ne'e mós PNTL Kaptura ona no dadaun ne'e iha hela prosesu investigasaun.

Nune'e, mate isin lori sai ona husi Dili ba área destinadu Maubisse, no akompaña husi Polísia komandu Munisípiu Dili, apoia husi Unidade Espesiál Polísia, ho unidade sira seluk, eskolta lori ba fronteira, hafoin entrega kedan ba Polísia Munisípiu Aileu hodi akompaña ba Maubisse.

Maibé situasaun agora kontroladu, iha duni intensaun balun husi Arte Marsiál sira, maibé parte Polísia halo prevensaun no prevene problema ne'ebé mak iha.

Entretantu relasiona ho informasaun balun ne'ebé hatete PNTL balun tiru kanek sidadaun balun iha Tasitolu ne'e, Komadu Munisípiu Dili rasik seidauk iha informasaun, maibé Komadante Munisípiu reafirma, karik akontesimentu ne'e iha husu ba komunidade sira bele ba aprezenta.

Nune'e mós Komandu Jerál liuhusi Komadante operasaun Xamada ona ba líder husi Arte Marsiál rua ne'e hodi bele kontrola sira-nia membru atu nune'e bele evita hahalok hirak ne'e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter