Print this page

Lere Husu Militar Kuidadu ho Manobra Politika

By February 02, 2022 824
Eis Xefe Estadu maior Jenerál FALINTIL-Forsas Fefesa Timor-Leste (F-FDTL), Tenente Jenerál reformadu Lere Anan Timur. Eis Xefe Estadu maior Jenerál FALINTIL-Forsas Fefesa Timor-Leste (F-FDTL), Tenente Jenerál reformadu Lere Anan Timur. Foto Suplay

Tempotimor (Dili)-Eis Xefe Estadu maior Jenerál FALINTIL-Forsas Defesa Timor-Leste(F-FDTL), Tenente Jenerál reformadu Lere Anan Timur, husu ba militar sira atu neutralidade hodi kuidadu ho manobra polítika.

"Ba militár sira hotu, ha'u husu imi-nia neutralidade ou apartidarizmu, kuidadu ho manobra polítika, tanba iha ne'ebé de'it so militár ou ema ne'ebé kaer kilat mak bele instabiliza nasaun”, dehan Lere hafoin partisipa loron transformasaun FALINTIL ba F-FDTL, dala-21, iha Kuartel jenerál Fatuhada, kuarta (02/02).

Tanba polítiku sira atu kritika malu to’o ne’ebé nasaun estavel bainhira Institutuisaun militár ho PNTL hakmatek.

"Exelénsia, ita família nu'udar nukleo no pilar importante iha sosiedade Timorense ninia ezisténsia mak baze ba Institutuisaun no Estadu nia tanba ne'e mak família presiza iha harmonia unidade no estabilidade haksolok iha uma-ka’in ida-idak nia sosiedade Timoroan sira nia,Timor-Leste nasaun ki’ik  ne'ebé lokalizadu iha kontinente Ázia, ne'ebé naran boot tanba ita maioria nu'udar sarani Katólika, ohin loron ita haree no akompaña mosu de kandensia Moral iha sosiedade, ema oho malu, divorsiu, prátika abortu, infidelidade, krize lideransa, falta edukasaun sivika ba kamada joven sira, pornografia liafuan la edukativu no seluk tan”, afirma nia.

Nu'udar Komadante husu ida ne'e lakohi akontese iha Institutuisaun F-FDTL nia laran, maibé hatudu nafain disiplina. 

"Ita-nia fiar no perstizu ba povu nia oin, ita presiza respeitu, kuida no tane aas, tenke hetan Domin no respeita husi ita-nia povu”, hatete nia.

Tanba ida ne'e mós nu'udar loron ikus, ba Lere Anan Timur nia rekursu tomak, durante tinan 47 nia laran dedika-an iha militar.

"Ha'u servi nasaun no povu Timor-Leste to’o ha'u-nia rán fakar isin kanek no rai hela fitar, ho sentidu ha'u hadomi tebes ha'u-nia rai doben Timor-Leste no ha'u-nia emar Povu, liuliu Forsas Armada, onra no fó glória ba as’uain sira hotu husi ita-nia aman ba nasaun proklamador prezidente Francisco Xavier do Amaral, no ita-nia prezidente no ita-nia Komadante Nicolau dos Reis Lobato, hamutuk ho kombatente as’uain rihun ba rihun, ne'ebé fakar sira-nia rán, no isin namkari hodi soi Timor-Leste, no soberania iha mundu rai klaran”, deklara nia. (*)

Rate this item
(1 Vote)
Last modified on Wednesday, 02 February 2022 13:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items