Ministru Defeza (MF), Filomeno da Paixao de Jesus, husu ba soldadu rekruta sira tenke sai forsa ne'ebé bele asegura paz soberania iha Timor-Leste

"Ida ne'e mak ita-nia esperansa boot ne'ebé que ita iha, sira bele sai forsa ne'ebé asegura paz soberania Timor-Leste nia, para nune'e povu bele hetan liberdade, bele hala’o sira-nia vida tantu iha kampu, tantu mai iha sidade ba vida negósiu hotu”, dehan Ministru Filomeno iha Metinaru, segunda (31/01).

Relasiona ho ekipamentu konsekuensemente Governu halo rekrutamentu ba farda, infraestrutura, uma no kama, nune'e sira bele utiliza.

Xefe Estadu Maior Jenerál Falintil-Forsa Defera Timor-Leste (F-FDTL), Major Jenerál Domingos Raul ‘Falur Rate Laek’, husu ba soldadu rekrutadunsira sai nafatin profesionál, neutralidade no mantein nafatin siénsia ne'ebé aprende iha militár.

"Nafatin disiplina, profesionál, neutralidade ida ne'e importante,siénsia ne'ebé iha militár hanorin ne'e tenke aplika tuir ida ne'e nafatin”, hatete nia.

Ba soldadu rekruta sira ne'e sei koloka iha Komponente Navál, komponente terrestre, komponente Aéreu nomós forsa apoiu servisu. (*)