Print this page

UEP Sei Apoiu Seguransa iha Eleisaun Prezidensiál

Komandante Unidade Espesiál Polísia (UEP), Superintendente Orlando Gomes. Komandante Unidade Espesiál Polísia (UEP), Superintendente Orlando Gomes. Foto Suplay

Tempotimor (Dili)-Komandante Unidade Espesiál Polísia (UEP), Superintendente Orlando Gomes deklara, Komandu UEP sei apoiu seguransa ba atividade iha eleisaun Prezidensiál tinan 2022.

“Ita fó formasaun ba membru tomak para preparasaun oinsá mak atubele asegura seguransa ba elisaun prezidensiál nian”, dehan Orlando, iha Kuartel UEP, Bairopite, tersa (25/01).

Tanba Prezidente Repúblika dekreta ona data eleisaun ne’ebé sei akontese iha loron 19 fulan-marsu tinan 2022, Unidade Espesiál Polísia mós prepara ona treinamentu ba membru sira atu fó seguransa durante eleisaun.

Maibé kona-ba transporte hodi fasilita membru sira ne'e sei hetan apoiu husi Komandu Jerál PNTL hodi bele ezerse servisu ho di'ak liután.

Kona-ba kolokasaun seguransa pesoál ba kandidatu Prezidente, dadaun ne'e Komandu prepara ona membru sira para koloka ba kandidatu sira maibé sei hein orientasaun husi Komandu Jerál.

“Ha'u labele foti desizaun, agora ita UEP so prepara membru sira, bainhira hetan ona despaixu husi Komandante Jerál PNTL ita nomea para asegura ba kandidatu sira”, hatete nia.

Entretantu totál membru UEP ne'ebé dadaun ativu hamutuk 800, no membru hirak ne'e sei tun hotu hodi asegura seguransa ba eleisaun prezidensiál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items