Login to your account

Username *
Password *
Remember Me

PNTL Kaptura Joven Na’in-3 Halo Tranzasaun Ilegál iha Fronteira

Sasán ilegál ne’ebé PNTL halo apreensaun iha fronteira. Sasán ilegál ne’ebé PNTL halo apreensaun iha fronteira. Foto Suplay

Tempotimor (Dili)-Komandu Polísia Nasionál Timor-Leste (PNTL) Bobonaro hamutuk Unidade Patrullamentu Fronteira (UPF) kaptura joven na’in 3 halo tranzasaun hatama sigaru ilegál liuhusi fronteira Indonézia mai iha Suku Gildapil, Postu-Administrativu Lolotoe, Munisípiu Bobonaro.

Komandante PNTL Munisípiu Bobonaro, Atonio Mauluta deklara, sidadaun na’in -3 ne’e, membru PNTL kaptura liuhusi servisu vizilánsia iha fronteira terrestre Timor-Leste ho Indonézia.

“Atu informa katak iha loron sábadu iha tuku 6 lorokraik ita-nia membru PNTL husi Eskuadra PNTL Bobonaro, ofisiál polísia komunitária (OPS) Aiasa, OPS Kota Boot, OPS Molop no ajente sekreta UPF servisu konjunta halo patrulla iha área fronteira, hapara kareta truk 3 no konsege kaptura joven mane na’in-tolu iha Suku Gildapil, tanba halo atividade komersiu ilegál ba sigaru ne’ebé hatama liu dalan Ilegál husi Atambua-Indonézia mai Timór-Leste”, dehan Komandante PNTL, Munisipiu Bobonaro, Atonio Mauluta, liuhusi telefone, tersa (25/01).

UPF Kompaña Alfa Tunubibi halo ona identifikasaun ba objetu hirak ne’e no joven sira rekuñese objetu hirak ne’e nia na’in Estanislau husi Suku Gildapil, Aldeia Gildapil. 

“Nune’e atu relata mós naran motorista na’in-tolu ne'e mak hanesan DhB, tinan 24 hela iha Suku Gildapil, Aldeia Atus, xapa matrikula A. 53.459 TL tula sasán iha laran mak hanesan sigaru marka Gudang Garam Surya hamutuk kaixa 7, Tabaku marka Pohon Sagu kaixa 52 ne’ebé falun iha karon laran hamutuk ho kafe ho kulit 36 sakas. Suspeitu ida tan ho naran inisial FjC, tinan 25, husi Suku Gildapil Aldeia Gildapil, xapa matrikula karreta A. 52.099 TL, tula sasán iha karreta laran mak hanesan sigaru marka Gudan Garam Surya kaixa hamutuk 14, Tabaku Pohon Sagu kaixa 10 falun iha karon laran hamutuk ho Kami 26 sakas. Motorista ida ikus naran inisiál TdJ, tinan 30, husi suku Gildapil, Aldeia Gildapil xapa karreta A. 50.704 TL, sasán iha karreta laran mak hanesan sigaru Surya kaixa 19, tabaku Pohon Sagu kaixa 14 no falun iha karon laran hamutuk ho Kami 24 sakas”, informa nia.

Dadaun ne'e suspeitu na’in-3 hamutuk ho evidénsia sira ne’e entrega ona ba Komandu PNTL Munisípiu Bobonaro hodi halo prosesu identifikasaun hodi submete prosesu investigasaun. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter