“Foin dadauk ami ba konsolidasaun partidu nian iha Zumalai, Polísia Zumalai empresta populasaun nia karreta mak hodi hala'o patrollamentu, ida ne'e Governu moe ga la'e?", dehan Xefe Bankada Kmanek Haburas Unidade Nasionál Timor Oan (KHUNTO), Olinda Guterres, iha plenária PN, segunda (24/01).

Tuir loloos PNTL hanesan seguransa povu ninian atu asegura no evita joven sira ne'ebé halo problema loron-kalan, maibé Governu la tau atensaun.

“Problema kuandu mosu iha fatin ruma, oho malu, baku malu, polísia sira hodi saida mak halo atendimentu. Se ba empresta ema populasaun nia karreta ne'e derepente ema karreta na'in la fó, oinsá ho ita-nia povu sira ne'ebé baku malu, oho malu, aslta malu ne'e", afirma nia.

Tanba ne'e husu ba Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, atu hato'o preokupasaun ba Ministériu Interiór, atubele oferese karreta ida ho urjente ba PNTL Zumalai.

“Labele sai tan hanesan ne'e, ne'e dignidade nasaun monu, se povu iha karreta fó ba, se povu laiha karreta ne'e sira atu la'o de'it, ha'u hanoin ladun di'ak señor ministru", deklara nia. (*)