Login to your account

Username *
Password *
Remember Me

Governu Deside ‘Husik’ Lere Kandidata-an ba Prezidente Repúblika  

Xefe Estadu Maiór Jeneral FALINTIL-Forsa Defeza Timor-Leste (F-FDTL), Tenente Jeneral Lere Anan Timur. Xefe Estadu Maiór Jeneral FALINTIL-Forsa Defeza Timor-Leste (F-FDTL), Tenente Jeneral Lere Anan Timur. Foto Suplay

Tempotimor (Dili)-Governu liuhusi Reuniaun Konsellu Ministru (KM) Estraordináriu, sesta (21/01) deside husik Xefe Estadu Maiór Jeneral FALINTIL-Forsa Defeza Timor-Leste (F-FDTL), Tenente Jeneral Lere Anan Timur, ba vida sivíl hodi bele kandidata-an ba Prezidente Repúblika (PR) períodu 2022-2027.

Ministru Prezidénsia Konsellu Ministru (MPKM), Fidelis Leite Magalães hatete, reuniaun KM ko'alia asuntu ne'ebé mak relasiona ho F-FDTL ho Minitériu Defeza, tanba KM halo diskusaun no aprova atu haruka ba Prezidente Repúblika hanesan Komadante supremu forsas Armada nia.

“Ohin Konsellu Minnistru rona tiha Minitru Defeza aprova nomeasaun no ezonerasaun ba Xefe Estadu Maior Jenerál Forsas Armada (XEMFA), Vise Xefe Estadu Maior Jenerál Forsas Armada nia, no Konsellu Ministru mós reitera filafali proposta ba Xefe Estadu Maior ne'ebé mak KM semana hirak liuba haruka tiha ona ba Prezidente Repúblika, no reitera filafali”, dehan Ministru Prezidénsia Fidelis Leite Magalães iha Palásiu Governu, sesta (21/01).

Tanba KM tuir dalan Konsellu Militár nia halo sira-nia reuniaun, hafoin simu proposta Konjunta ida husi Ministériu Defeza no Primeiru Ministru ba KM, hodi halo desizaun deliberasun.

“Antes ita-nia Prezidente Repúblika halo desizaun sira sei konvoka konsellu sira, tuir buat ne'ebé mak lei hatur hanesan konsellu Superior Defeza Seguransa nia antes to’o desizaun finál nia”, afirma nia.

Iha aprovasaun ne’e KM propoin ba Prezidente Republika, Ezonerasaun Tenente-Jenerál Lere Anan Timur, husi kargu Xefe Estadu-Maiór-Jeneral Forsas Armadas, Ezonerasaun Majór-Jenerál Falur Rate Laek, husi Kargu Vise-Xefe Estadu-Maiór-Jenerál Forsas Armadas. Nomesaun Majór-Jenerál Falur Rate Laek, ba Kargu Xefe Estadu-Maiór-Jeneral Forsas Armadas, Nomesaun Brigadeiru Jenerál Calisto dos Santos Coli (Coliati), ba Kargu Vise-Xefe Estadu-Maiór-Jeneral Forsas Armadas no Mantein nomeasaun Komodoru Pedro Klamar Fuik ba Kargu Xefe Estadu-Maiór Forsas Armadas.

Antes ne'e, Ministru Defeza (MD), Filomeno Paixão deklara, diskusaun ba karta reforma husi Xefe Estadu Maior Jeneral FALINTIL-Forsa Defeza Timor-Leste (F-FDTL), Tenente Jeneral Lere Anan Timur iha Konsellu Ministru (KM) adia ba loron sesta (21/01) lokraik tanba Primeiru Ministru (PM), Taur Matan Ruak la prezensa.

“Karta reforma lere nia ne'e ohin seidauk deside iha Konsellu Ministru (KM), hein deside hotu mak fó sai, no ita muda fali ba sesta (21/01) lokraik tuku haat tanba karta ne'e submete ona maibé ohin adia ba fali Sesta loraik mak ko'alia”, dehan Paixão.

Proposta hirak ne'e hotu ba ona Primeiru Ministru, hein atu diskute maibé adia ba fali sesta tanba Primeiru Ministru rasik la prezensa

"Orseik ami hasoru malu ona, ko'alia hotu ona, surat sira ne'e ohin hatama hotu ona ba KM maibé seidauk iha desizaun husi konsellu Ministru, ne'ebé ita hein iha sesta loraik”, hakuir nia.

Governu aprova proposta nomeasaun no ezeonerasaun ne’e, tanba Tenente Jenerál Lere Anan Timur ne'ebé aprezenta pedidu reforma ba Governu liuhusi Ministériu Defeza iha loron 17 janeiru 2022. (*)

Rate this item
(0 votes)
Last modified on Friday, 21 January 2022 18:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter