Login to your account

Username *
Password *
Remember Me

MI La Autoriza Kargu Xefia Lori Patrimóniu Estadu ba Uma

Diretór Jerál Administrasaun no Finansa Ministériu Interior, Mariano de Araújo, hala'o enkontru ho Kargu Xefia sira iha edifísiu Ministériu Interiór, kuarta (19/01). Diretór Jerál Administrasaun no Finansa Ministériu Interior, Mariano de Araújo, hala'o enkontru ho Kargu Xefia sira iha edifísiu Ministériu Interiór, kuarta (19/01). Foto Suplay

Tempotimor (Dili)-Ministériu Interiór (MI) la autoriza Kargu Xefia no Jestór sira utiliza patrimóniu Estadu ba uma hahú husi oras servisu to'o remata.

"Veíkulu Estadu sira tenke estasiona iha edifísiu MI no autoriza de’it hodi halo movimentu durante oras servisu, la autoriza  jestór sira lori ba uma", dehan Diretór Jerál Administrasaun no Finansa, Mariano de Araújo hafoin hala'o enkontru ho kargu Xefia sira ihs Ministériu Interior, kuarta (19/01).

Tanba haree ba karta sirkulár ho númeru referénsia VIII/GM-MF/2022-01 kona-ba regulamentu atribuisaun no uzu veíkulu Estadu nian ne’ebé implementa ona tuir lei númeru 8/2003, no deseminasaun dekretu lei númeru 130/2021, 29 setembru kona-ba Jestaun Realokasaun ba Liña-Ministériál no instituisaun públiku.

Aleinde despaxu fundamentu husi Ministériu Finansas ho referénsia verbál ne’ebé eskrita ona iha Lei Orsamentu Jerál Estadu nian.

Tanba ne'e, MI realiza enkontru ho fahe informasaun ba Xefe Gabinete Ministru Interiór, Diretór Gabinete Planeamentu Estratéjiku no Asesoria, Adjunta Servisu Migrasaun, Adelaide da Rosa, Diretór DNAF, Xefe DNRH, Diretór DNLGPA, Diretór DNA no pontu fokál responsavel kada diresaun tutela sira atu para no estasiona karreta Estadu iha edifísiu MI.

Maibé ba regra hirak ne’e, Ministériu Interiór sei la aplika ba servisu Seguransa, Bombeiru no entidade sira seluk ne’ebé lei fó dalan ba sira hodi utiliza  bainhira  iha dokumentu komprovativu ne’ebé aprovadu husi superiór sira. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter