Login to your account

Username *
Password *
Remember Me

PNTL Prontu ‘Kontrola’ Estudante Finalista Rona Rezultadu Ezame

 Komandante PNTL Munisípiu Dili, Superintendente Xefe Henrique da Costa. Komandante PNTL Munisípiu Dili, Superintendente Xefe Henrique da Costa. Foto Suplay

Tempotimor (Dili)-Polísia Nasionál Timor-Leste (PNTL) liuhusi Komandu Munisípiu Dili, preparadu ona atu kontrola atividade estudante Finalista sira sei rona rezultadu ezame nasionál nia.

"Ita hatene aban iha loron 18 ne'e ema fahe kaderneta ba estudante sira ne'ebé mak remata ona sira-nia eskola, entaun ita ko'alia hamutuk ho komadante Eskuadra sira hodi asegura di'ak liután iha atividade aban nia, e ita sempre prontu nafatin hodi asegura atividade sira ne'e”, dehan Komandante PNTL Munisípiu Dili, Superintendente Xefe Henrique da Costa, iha kaikoli, segunda (17/01).

Iha loron aban ne'e envolvimentu PNTL sei maka’as tanba apoiu husi unidade Polísia, Polísia Tránzitu nasionál, servisu informasaun Polísia ninia, UPM ho UPF ne'ebé mak lokadu iha Munisípiu Dili

Nune'e mós sei koloka membru sira ba eskola hotu, inklui fatin sira ne’ebe konsideira hanesan ameasa ou risku.

Aleinde ne'e mós komamdante komandu Munisípiu Dili, husu ba estudante sira atu kontinua respeita lei kódigu estrada, lori motorizada tenke kompleta ho asesoris sira, nomós tenke lori dokumentu, tanba operasaun PNTL nian ba loron aban sei másimu liu.

Komandu Dili mós identifika ona eskola ne’ebé sempre halo problema iha tempu simu rezultadu mak hanesan eskola sira iha área Don Aleixo, Kristu Rei, Nain Feto no Vera Cruz.

“Ita identifika ona eskola sira ne’e, nune'e ita sei koloka ita nian ema, para nune’e asegura, e mós ita sei koloka ita-nian ema iha dalan sira responde kedan situasaun sira iha terenu”, dehan nia.

Iha sorin seluk mós PNTL Munisípiu Dili sei la tolera estudante sira atu halo konvoi ho motorizada iha estrada públiku, bainhira hetan mak sei aplika multa ne’ebé todan liu. (*)

Rate this item
(0 votes)
Last modified on Tuesday, 18 January 2022 08:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter