Print this page

Komandu PNTL Husu Membru Detein Komunidade Uza Kilat Anin

By January 13, 2022 1772
Komadante Operasaun Nasionál Superentidente Xefe Pedro Belo. Komadante Operasaun Nasionál Superentidente Xefe Pedro Belo. Foto Suplay

Tempotimor (Dili)-Komadante Operasaun Nasionál Superentidente Xefe Pedro Belo, husu ba komadante PNTL Munisípiu sira atu detein komunidade ne’ebé utiliza kilat anin (kilat manu) hodi hakanek ema no kasa animál fuik.

"Orientasaun ne'e hasai dala ida hotu ona no nia kontinuasaun la'o nafatin hodi rekolla kilat manu ne'e, inklui detein sidadaun ne'ebé uza armas ne'e, tanba ita hotu hatene lei númeru 5/2017 kona-ba arma branka ne'e bandu, ema atu uza sasán sira ne'e”, dehan Xefe Pedro Belo, iha nia kna’ar fatin, Kaikoli, kinta (13/01).

Nune'e komandu Polísia Nasionál Timor-Leste (PNTL) fó ona instrusaun ba komandu munisípiu hotu hodi halo operasaun halo prensaun no detensaun ba komunidade ne'ebé uza kilat manu.

Tanba iha tinan 2021 Komandu Jerál hasai ona orientasaun ba Komadante Operasaun, nune'e Komadante Operasaun hasai fali iha komandu munisípiu hotu atu haree asuntu ne'e ho seriu.

"Husu halo kedas aprensaun no detensaun ba ema ne'ebé uza no kaer kilat manu ne'e hodi kordena direita ho Ministériu Públiku atu prosesa tuir lei”, dehan nia. (*)

Rate this item
(0 votes)
Last modified on Saturday, 15 January 2022 09:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items