Login to your account

Username *
Password *
Remember Me

FM Husu Lere Rezigna-an, Antes Kandidata-an ba Prezidente Repúblika

Diretór Interinu Fundasaun Mahein (FM), Sancho Xavier. Diretór Interinu Fundasaun Mahein (FM), Sancho Xavier. Foto Tempo Timor

Tempotimor (Dili)-Diretór Interinu Fundasaun Mahein (FM), Sancho Xavier husu, Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál Lere Anan Timur, rezigna-an husi Institutuisaun F-FDTL, antes kandidata-an ba Prezidente Repúblika (PR) hodi kompete iha eleisaun 2022.

"Sim ita hotu akompaña iha mídia, iha diskusaun públiku ko'alia liu kona-ba kandidata Lere ba PR, ita hotu akompaña iha ona prosesu balun, no dalabarak ona nia deklara kandidata-an ba PR. Tuir fundasaun mahein ninia hanoin, lolos ne’e kuandu militár ida atu deklara ba públiku, liuliu iha kazu Jenerál Lere nia ne'e, tuir lolos nia rezigna-an antes, tuir prosesu normál, prosesa formál ne'ebé akontese, hanesan kazu sira iha períodu anterior nia, hanesan Líder Xanana Gusmão halo, no Taur Matan Ruak tuir ne'e”, dehan Sancho, iha nia kna’ar fatin, Bairu Sentral, kinta (13/01).

Prosesu naturál ne'ebé akontese bainhira lideransa militár ida hakarak sai husi militár hodi assume kargu iha polítiku, nia tenke tuir prosesu normál, prosesu formál ne'ebé akontese, normálmente tenke rezigna-an uluk lai, atu nune'e bele fó tempu ba Governu prosesu susesaun lideransa iha Institutuisaun nia laran, ida ne'e importante.

"Ne'e mak ita husu Lere hatama ona nia karta formál ruma?. Atubele husu nia sai husi militár ne'e, tanba ne'e regra formál tenke hatama uluk karta para ita halo deklarasaun ne'e, tanba iha lei Konstitusaun no lei defeza nasionál ne'e rasik ko'alia katak militár sira labele halo deklarasaun ho intensaun polítika ruma ba públiku tanba ne'e proividu”, hatete nia.

Maibé durante situasaun ne'e rasik, haree ba líder sira ne'ebé kaer ukun mai husi luta ai-laran ninia, entaun prosesu aplikasaun lei no regra sira, iha institutuisaun ne'e seidauk la'o lolos.

"Tanba ne'e mak kestaun sira hanesan ne'e mós nia sei fó implikasaun ba dezenvolvimentu sira iha institutuisaun defeza, liliu iha Institutuisaun militár nia laran, liga ho susesaun lideransa nia iha institutuisaun nia”, esplika nia.

Haree tinan hirak liuba liga ho nomeasaun no ezonerasaun ne'e rasik dalaruma hamosu polemika entre Hovernu no PR, tanba sira la konsege prepara prosesa ne'e tuir lei ne'ebé mak iha.

Tanba iha kargu sira ba Xefe Estadu Maior Jenerál forsa armada ninia, bainhira halo susesaun ka nomeasaun no ezonerasaun ne'e, pelumenus iha fulan tolu antes, tuir estatutu militár artigu 90. (*)

Rate this item
(1 Vote)
Last modified on Friday, 14 January 2022 11:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter