Login to your account

Username *
Password *
Remember Me

F-FDTL Identifika Peska Ilegál Maioria husi Nasaun Indonézia, Tailándia no Vietname

Komandante Komponente Forsa Navál Lizeira, Kapitaun Fragata João da Silva. Komandante Komponente Forsa Navál Lizeira, Kapitaun Fragata João da Silva. Foto Suplay

Tempotimor (Dili)-Komandante Komponente Forsa Navál Lizeira, Kapitaun Fragata João da Silva informa katak, sira identifika peska ilegál iha tasi Timor-Leste parte Kosta Súl maioria husi nasaun Indonézia, Tailándia no Vietname. 

"Ita rejista ema peskadór sira ne'ebé halo atividade ilegál iha ita-nia tasi Kosta Súl ne'e barak, ami iha dadus tanba foin dadauk reforsa tan husi sistema Sky line, ne'ebé kada loron ita deteta atividade ilegál iha Kosta Súl no ita hatene kedas ró ne'e nia medida naruk hira no ró ne'e mai husi nasaun ne'ebé, ita hatene kedas tanba sistema automatic detection ne'e sempre fó sai, entaun ita print out fó ba hirarkia mais altu sira”, dehan Kapitaun Fragata João, iha Komponente Naval Hera, kuarta (12/01).

Tuir dadus kada fulan sempre rejista ró hamutuk 50 to'o 60 mak halo atividade ilegál iha Kosta Súl no ró balun permanente to’o fulan tolu ka fulan haat no ró hirak ne'e maioria husi nasaun Viziñu hanesan, Indonézia, Tailándia, Vietname no nasaun seluk.

Tanba ne’e, komponente naval kontinua informa ba Governu, atubele buka solusaun hodi halo prevensaun no kontrolu ne’ebé di’ak. 

“Ida ne'e kabe ba Governu politiku sira, no ami sempre hato'o ba sira relasiona ho situasaun ne'e, maibé atu hola ró hodi asegura atividade ilegál ne'e, depende Governu, atu hola ró ka la hola ró ne'e kompeténsia Governu nian, importante ami-nia misaun mak kontinua relata saida mak akontese iha terenu”, hatete nia.

Alende ne'e mós iha dezafiu barak durante ne’e komponente Navál hasoru liliu, rekursu umanu, infraestrutura, no finanseira, maibé kontinua hala'o servisu iha terenu tuir sira-nia misaun, tanba ne'e kna’ar lorloron nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter