Print this page

Lere Reforma, Falur Avansa ba Xefe Estadu Maior Jenerál F-FDTL

By January 12, 2022 3368
Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál Lere Anan Timur (karuk), Vise Xefe Estadu Maior Jenerál Forsa Armada Major Jenerál Domingos Raul ‘Falur Rate Laek’. Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál Lere Anan Timur (karuk), Vise Xefe Estadu Maior Jenerál Forsa Armada Major Jenerál Domingos Raul ‘Falur Rate Laek’. Foto Espesial

Tempotimor (Dili)-Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál Lere Anan Timur, bainhira deside reforma Institutuisaun F-FDTL, Vise Xefe Estadu Maior Jenerál Forsa Armada Major Jenerál Domingos Raul ‘Falur Rate Laek’, sei avansa ba pozisaun Xefe Estadu Maior Jenerál (XEMJ).

"Naran ida atu troka ne'e ha'u seidauk adianta lai, mais automatikamente ha'u-nia vise, labele ema seluk, se vise la avansa entaun vise mós sai, vise ba fali vida sivil”, dehan Jenerál Lere, iha Komponente Navál Hera, kuarta (12/01).

Maibé automatikamente ne'e tenke vise tanba vise iha kompeténsia ba ida ne'e, Kuandu Xefe Estadu Maior Jenerál F-FDTL aujente, nia automatikamente tenke okupa nia fatin.

“Entaun ha'u sai mós vise ne'ebá nafatin, ha'u iha li'ur tinan ida tinan rua mós vise iha ne'ebá nafatin, e kuandu ha'u husu dehan ha'u la militar ona mak Governu polítika deside nomeia Vise Xefe Estadu Maior ba Jenerál e depois nomeia fali Vise foun”, esplika nia.

Iha instituisaun F-FDTL ofisiál sira iha oituan kompara ho nasaun seluk tanba ne'e akarak Vise mak tenke troka Lere nia fatin.

"Depois ami mós ofisiál na’in hira de'it bele sura ho liman fuan sanulu, ita la kompara ho nasaun seluk iha li'ur ne'ebá, jenerál sira ne'e ita sura labele, tanba ne'e vise mak iha kompeténsia”, afirma nia. (*)

Rate this item
(4 votes)
Last modified on Wednesday, 12 January 2022 21:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items