Login to your account

Username *
Password *
Remember Me

Karreta Pick-up Soke iha Bukoli Ema Na'in-10 Tama HoREX Baukau 

Pasajeiru ne’ebé sa’e Karreta Cary monu hela iha rai ho kondisaun gravé. Pasajeiru ne’ebé sa’e Karreta Cary monu hela iha rai ho kondisaun gravé. Foto Tempo Timor

Tempotimor (Baukau)‐Asidente Tráfiku Karreta pick-up Cary ho sapa matrikula 38-742 Tls, kór metan diresaun Munísipiu Lautein, Postu Administrativu Ilomar soke iha área Bukoli, Baukau rezulta ema na'in-10 tama Ospitál Regionál Eduardo Ximenes (HoREX) Baukau ho kondisaun gravé.

Segundu Komandante Polísia Nasionál Timor-Leste (PNTL) Munisípiu Baukau, Superintendente Asistente José Casemero de Carvalho haktuir, Karreta Cary husi Lautein atu ba Dili, no motorista konduz karreta ho velosidade maka’as.

"Iha asidente ne'e karreta Cary ida diresaun husi Lospalos tula pasajeiru 15 husi aseidente ne'e rezulta pasajeiru na'in-10 hetan kanek, na'in-6 hetan kanek kaman, na'in-4 kanek gravé”, dehan Segundu komunidade PNTL Baukau iha nia kna'ar fatin Vila Nova-Baukau, tersa (11/01).

Asidente ne’e mosu kauza husi motorista dukur nune'e soke ba besi tau tuir iha estrada ninin hodi rezulta karreta oin ba fali Lospalos.

Husi akontese ne'e PNTL Munisípiu Baukau to'o kedan fatin hodi evakua vitíma sira ba Ospitál, nune'e mós asegura kedas evidénsia hanesan karreta no motorista iha komandu PNTL Munisípiu Baukau ba prosesu investigasaun.

"Tuir informasaun husi vitíma sira ho karreta sai husi Munisípiu Lautein atu ba Dili iha tuku 09:00 tuir dalan hodi deskansa dala-3, ne'e deskonfia velosidade maka’as provoka mós ho situasaun dukur”, haktuir ina.

Nune'e vitíma asidente, Felismeno da silva hatete, sai husi Munisípiu Lautein tuir dalan deskansa kuaze oras barak nia laran, maibé to'o iha Suku Bukoli Munisípiu Baukau tuku 03:50 derepente hasoru asidente refere.

"Ha'u toba derepente karreta baku fila mak ha'u hakfodak ne'ebé nia dukur ga la'e ha'u la hatene”, haktenik nia.

Enkuatu enfremeiru sala emerjénsia HoREX Baukau, João Osório da Costa Ribeiro hatete, pasiénte ne'ebé mak hetan asidente husi karreta soke iha Bukoli hamutuk na'in-10 mak halo ona tratamentu iha HoREX Baukau.

"Na'in-10 mak tama mai emerjénsia ne'e kondisaun gravé na'in-4, na'in-6 na'in-ida tama iha sala operasaun perdalam doutor sira lori ba halo operasaun ne'e urujente”, dehan emefremeiru sala emerjénsia HoREX. 

Enkuatu pasiénte na'in-4 ne'ebé mak kondisaun gravé husi asidente refere, pesoál saúde sira kontinua atende tuir kondisaun bainhira labele sei halo transferénsia ba Ospitál Nasionál Guido Valadares (HNGV) Dili. (*)

Rate this item
(0 votes)
Last modified on Tuesday, 11 January 2022 21:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter