"Ró rua ne'ebé ita hola iha Xina ne'e kondisaun gravé los, inklui meius komponente Navál nia, tanba ne'e ita prevé orsamentu 2 Milhões, ita hatene kondisaun Ró ne'e gravé los ona, tanba ne'e mak ita preokupa tau iha tinan 2021 maibé la konsege realiza halo manutensaun ba Ró ne'e, maibé iha tinan 2022 ita kontinua prevé no aprova, entaun ita bele halo manutensaun ba Ró iha tinan ida ne'e no meius komponente navál nian nune sira bele operasionaliza fali sira -nia servisu hodi apoiu ba servisu seguransa autoridade marítima ne’ebé mak kria ona”, dehan Nuno Carvalho iha Kuartel Jenerál, Fatuhada, segunda (10/01).

Dadaun ne'e tau ona orsamentu ba fase konkursu públiku iha prosesu nia laran no sei haree kompaña ida ne’ebé atu halo manutensaun ba Ró rua ne'e.

"Kompaña ida ne'ebé mak atu kaer ne'e, ami seidauk hatete tanba iha prosesu tenderizasaun nia laran,

maske kompaña barak mak iha interesante ba área Navál nia maibé sei iha kompaña ida mak fixu, no sei iha primeiru trimestre ne'e halo kedas manutensaun ba Ró ne'ebe mak avaria”, hatete nia.

Ho orsamentu millaun US$2 ne'e sei sufisiente ba manutensaun Ró rua ne'e, tanba prevé Aorsamentu bazeia husi estudu ne’ebé halo. (*)