Komandante PNTL Munisípiu Dili, Superintendente Xefe Henrique da Costa hatete, komandu PNTL Munisípiu Dili preparadu ona atu halo seguransa, tanba ne’e husu ba Ministériu Edukasaun bainhira fó sai rezultadu tenke halo koordenasaun ho Polísia atu evita asidente trafégu.
"Ita sei hatun ita-nian forsa másimu atu nune'e limite ida ne'e, tanba ita akompaña iha fulan rua ba kotuk, depois izame remata de'it mos sira ataka malu entre eskola sira iha Dili laran”, informa Komandante Henrique,iha Komandu PNTL, Kaikoli, segunda (10/01)
Tanba atu asegura situasaun ida ne'e mak komandu Munisípiu Dili, iha ona planu medida prevensaun no sei koloka membru sira ba fatin ne’ebé diskonfia mosu problema, nune'e bele garante estabilidade.
“Bainhira simu rezultadu mak estudante sira halo pawai polísia sei atua, tanba balun ba ho intensaun atu ataka malu, balun ho intensaun hakerek didin lolon sira, balun uza kanu resin, balun la uza xapa matrikula, no helem. Ida ne'e mak ita sei halo operasaun hodi haree”, afirma nia. (*)