Print this page

PNTL Laiha Estatutu Reforma Membru ho Idade Avansadu

Komadante Jerál Polísia Nasionál Timor-Leste (PNTL), Komisáriu Faustino da Costa. Komadante Jerál Polísia Nasionál Timor-Leste (PNTL), Komisáriu Faustino da Costa. Foto Suplay

Tempotimor (Dili)-Komadante Jerál Polísia Nasionál Timor-Leste (PNTL), Komisáriu Faustino da Costa deklara, Institutuisaun PNTL laiha estatutu rasik atu reforma membru sira ne'ebé tama ona idade avansadu.

"Desde uluk kedas komandu mós hakarak halo ida ne'e, maibé PNTL to’o agora estatutu laiha, ne'ebé se estatu iha ita reforma sira bainhira idade avansadu ne'e la buat ida, maibé sé uza rezime funsaun públiku nia, ne'e ita husu ba nia, nia hakarak ba deskansa ka lae, se nia lakohi komandu mós labele obriga nia katak o ba deskansa ona tanba o nia idade to’o ona”, informa Komisáriu Faustino, iha Komandu Jerál, Kaikoli, sesta (07/01).

Tanba ne’e, PNTL iha esperansa, bainhira iha ona estatutu komandu sei identifika membru idade avansadu hodi prosesa.

"Ami-nia esperansa mak kuandu iha ona estatutu ita bele fó ona dalan ba membru ne’ebé mak ho idade avansadu sira bele reforma (deskansa), nia priense para prosesu administrativu ne'e la'o, no pasu tuir mai mak identifika ema na’in hira mak presiza tan para kompleta filafali númeru operasionál iha terenu”, esplika nia.

Entretantu estatutu PNTL nia hodi reforma membru sira idade avansadu ne'e aprezenta ona ba Governu, tanba ida ne'e la’ós kompeténsia komandu PNTL.

"Estatutu tantu ami-nia organika ne'e aprejenta ona ba Governu, ne’ebé ida ne'e la’ós kompeténsia polísia nian ona, dala ida tan katak tantu organika ka estatutu ne'e iha ona Governu nia liman”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items