Print this page

Posibilidade Udan no Anin-Boot iha Munisípiu 11 ho RAEOA

By January 05, 2022 1102
Diresaun Nasional Meteorolojia no Geofizika (DNMG) Timor-Leste. Diresaun Nasional Meteorolojia no Geofizika (DNMG) Timor-Leste. Foto Suplay

Tempotimor (Dili)-Diresaun Nasional Meteorolojia no Geofizika (DNMG) fó sai katak, posibilidade sei akontese udan intensidade boot no akompaña ho anin-boot iha Munisípiu 11 inklui Rejiaun Administrativa Espesial Oekussi Ambeno (RAEOA), durante loron tolu, hahú husi (kuarta-feira 5 to'o 7 fulan-janeiru tinan 2022).

Tuir informasaun ne'ebé www.tempotimor.com asesu husi DNMG katak, udan ho intensidade moderadu to'o forte akompaña ho anin boot ne'e nota katak sei akontese iha Munisípiu Bobonaro, Covalima, Ainaro, Aileu, Ermera, Manufahi, Manatuto, Baukau, Vikeké, Lautein Dili, nomós parte ba Kosta Súl nian, inklui RAEOA.

Ho ida ne’e, husu ba populasaun hotu tau atensaun nafatin no proteza-an husi risku ba mota tun, raí halai, bee sae, aí tohar no eletrisidade mate, atubele buka hela iha fatin ne'ebé seguru.

Tanba udan ho intensidade boot ne'e sei akontese liliu iha parte lokraik no kalan, nune'e bainhira kazu emerjénsia ruma ne'ebé presiza halo evakuasaun, matein kalma nafatin no evita pániku no halo tuir orientasaun Autoridade Lokál ka Pesoál Protesaun Sivíl. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items