Login to your account

Username *
Password *
Remember Me

FM Sujere Governu Hadi’a Estatutu PNTL, Aplika Reforma ba Membru

 Diretór Interinu FM, Sancho Xavier. Diretór Interinu FM, Sancho Xavier. Foto Suplay

Tempotimor (Dili)-Fundasaun Mahein (FM) husu ba Komandu Polísia Nasionál Timor-Leste (PNTL) ho Ministru Interior (MI) atu hadi’a estatutu pesoál membru PNTL hodi bele aplika reforma ba membru sira ho idade avansadu.

“Durante ami halo peskiza ba instituisaun PNTL identifika liliu iha servisu Ofisiál Polísia Suku (OPS), membru barak idade avansadu ona sira husu atu reforma, maibé iha difikukdade ne'ebé durante ne'e iha mak PNTL seidauk iha estatutu pesoál ida ne'ebé bele fó garantia identidade pesoál nian, bainhira reforma trata sira oinsá, ida ne'e mak difikuldade”, dehan Diretór Interinu FM, Sancho Xavier, iha nia kna’ar fatin, Bairu Sentral, kuarta (05/01).

Ho situasaun sira hanesan ne'e persiza hadi'a, liliu iha PNTL atu halo mudansa, reforma ba membru sira dahuluk tenke iha estatutu pesoál atu define profisaun PNTL ne’e rasik, bainhira tama ba idade reforma.

“Ha'u hanoin husu ba komandu PNTL, no Governu para aselera estatuta ida ne'e, oinsá atubele define profisaun ba PNTL ne'e rasik, liliu sira ne'ebé hala'o kna’ar depois tama idade reforma filafali ba sivíl ne'e prosesu ba reintegrasaun ne'e halo nusa”, hatete nia.

Tanba iha ona lisaun importante balun hatudu iha instituisaun Falintil-Forsa Defeza Timor-Leste (F-FDTL), depois membru sira idade tama ba reforma Governu laiha kondisaun.

“Ha'u hanoin importante liu liga ho membru Polísia sira iha PNTL ne'e sira ne'ebé tama ona idade avansadu ne'e, ha'u hanoin Governu presiza aselera lalais estatuta ba polísia oinsá atubele garante sira-nian direitu depois sira fila ba vida sivíl”, afirma nia.

Komandante PNTL Munisípiu Dili, Superintendente Xefe Henrique da Costa hatete, efetivu membru PNTL iha komandu Dili balun idade avansadu no balun kondisaun moras labele halo servisu ona.

“Ita-nia efetivu membru PNTL hamutuk 529 iha komandu Munisípiu Dili ne’e númeru boot, maibé hela deit 500 mak halo servisu, tanba sira seluk kondisaun moras la tama servisu no balun tama servisu, maibé idade katuas ona hamrik iha dalan ho idade no moras defísil ba sira atu foti liman halo kontinénsia ba ema boot”, informa nia.

Tanba ne’e, komandu PNTL Munisípiu Dili rasik sei halo tranferénsia membru ba Unidade Polísia Tránzitu Dili, tanba eskuadra neen iha Munisípiu Dili mós membru la sufisiénte. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter