"Sim tuir dadus husi Departamentu Tránzitu Nasionál no Seguransa ba Rodoviária, katak, hahú iha fulan-Jullu 2021, to’o oras ne’e, bazeia ba implementasaun lei númeru 28/2017, kona-ba kontrolu sirkulasaun karreta estranjeiru ne’ebé mak tama iha territóriu nasionál ho periodu fulan-neen (6) nia laran PNTL rekolla taxa hodi kontribui ba kofre Estadu, ho osan montante US$56,629”, dehan João Belo, iha Komandu Jerál, Kaikoli, kinta (30/12).

Tanba bazeia ba implementasaun lei númeru 28/2017, kona-ba kontrolu sirkulasaun karreta estranjeiru ne’ebé mak tama iha territóriu nasionál ho periodu fulan-neen (6) nia laran, 

Ida ne’e taxa ne’ebé mak hatama husi karreta estranjeiru tama iha territóriu nasionál Timor-Leste ne'e, maibé iha fulan-dezembru ne’e rasik PNTL mós kontribui ba kofre estadu hamutuk US$12.205.

Aleinde ne'e Komandu PNTL, liuhusi tránzitu sei halo mós operasaun ba motorista sira ne’ebé utiliza lampu LED iha sira-nia karreta leten no oin, tanba prejudika ema seluk nia viajen iha tempu kalan, no fó mós risku ba ema seluk vida, hodi hetan asidente ne’ebé gravé.

"Ha’u husu ba públiku liliu karreta na’in sira atu voluntáriamente, hasai lampu LED husi sira-nia karreta. Tanba primeiru, sira laiha lisensa, segundu, sira kontra lei kódigu estrada, no terseiru, lampu LED ne’e hamosu perigu ba ema seluk nia vida. Sé maluk sira la hasai, mak karik tama iha operasaun, ami sei aplika multa, no posibilidade karreta ne’ebé mak sira uza, ami sei tahan, bainhira selu multa tiha mak sira bele foti filafali”, informa nia. (*)