"Objetivu show force ohin dadersan ida ne’e atu hatudu ba komunidade katak PNTL prontu ona hodi asegura seguransa no ita hotu hatene katak ikus-ikus ne’e iha mós problema balun ne’ebé komunidade sente katak la seguru, tanba nee mak ohin loron PNTL hatudu nia forsa hodi halo pawai iha sidade Dili,katak pronto hodi asegura siguransa ba iha loron boot natal no tinan foun"Dehan komandante Operasaun Nasionál, superentidente xefe,Pedro Belo iha Palasiu governu oin,depois de remata Komboiu iha sidade Dili,Kuarta(22/12)
Nune'e husu ba joven no komunidade sira ne’ebé hakarak atu halo festa ka hakarak halo kontente-an labele iha estrada públiku maibé halo festa iha uma laran, ka iha fatin ne’ebé mak la impede ema seluk nian direitu no atividade.
Tanba PNTL iha semana rua ne'e nia laran hahú husi loron kuarta (22/12) ba oin sei la tolera kriminozu saida de’it ne'ebé mak hakarak impede aktividade no direitu komunidade sira seluk nia iha loron boot.
"Nune'e nafatin husu ba komunidade sira atu koopera ho PNTL hodi bele kria paz no estabilidade iha selebrasaun natal no tinan foun ne'e”, hatete nia. (*)
