Login to your account

Username *
Password *
Remember Me

Lere ‘Lakohi’ Lakon Tempu Ko’alia Problema iha F-FDTL

Xefe Estadu Maior Jenerál, Forsa Defeza Timor-Leste (F-FDTL), Tenente Jenerál Lere Anan Timur. Xefe Estadu Maior Jenerál, Forsa Defeza Timor-Leste (F-FDTL), Tenente Jenerál Lere Anan Timur. Foto Suplay

Tempotimor (Bobonaru)-Xefe Estadu Maior Jenerál, Forsa Defeza Timor-Leste (F-FDTL), Tenente Jenerál Lere Anan Timur deklara, nia parte lakohi lakon tempu hodi ko’alia problema Institutuisaun F-FDTL hasoru durante ne’e.

"Problema sira ne'ebé ita enfrenta ne'e, la'ós buat foun, ita haree de'it se mak ohin loron Ministru Defeza, uluk ha'u-nia vise nia hatene problema sira ne'e hotu, problema saida de'it mak forsa sente ne'e nia hatene, tanba nia komanda hamutuk ho ha'u forsa ne'e tinan 20, no asuntu ne'e hato'o beibeik ona, maibé kuandu ha'u hato'o ne'e ha'u lakon tempu”, dehan Jenerál Lere, bainhira ensera exersisiu Cobra iha, Aldea Harame, Suku Aidaba Leten, Postu Administrativu Atabae, Munisípiu Bobonaru, sabadu (18/12).

Tanba problema ne’ebé enfrenta durante ne’e nafatin de'it, no husu ba Governu liliu Ministériu Defeza atu haree preokupasaun sira hanesan transporte, infraestrutura, fardamentu, kilat.

“Ezersisiu ne'ebé tinatinan halo ne'e mós ezersisiu ne'ebé ita dehan kasihan, laiha mudansa, loron kalan mak imi tiru, imi-nia kilat, arma lizeira ka kilat ki’ik ne'e hela de'it, ha'u moe mais ha'u-nia oin taka karau kulit para ha'u labele haree ema”, deklara Lere.

Nu'udar Komadante hatene militár enfrenta hela problema barak maibé militar sira nafatin iha duni vontade boot atu serbí Institutuisaun militar, Estadu no Povu.

Alende ne'e mós Jenerál deklara, kona-ba sasán sira ne'ebé F-FDTL uza hodi halo ezersisiu Cobra iha tinan 2021 ne'e mesak oferese husi doador sira.

"Liuliu lona sira ne'ebé imi toba ba la'ós Governu mak sosa, ita-nia parseira doador sira mak fó ba ita, liuliu Repúblika Xina, hanesan karreta balun ne'ebé ita iha, la'ós ita-nia Governu mak sosa ita-nia parseira sira mak fó karreta balun ita aluga husi kompaña sira, botas ne'ebé imi hatais la'ós ita-nia Governu mak sosa ita-nia amigu sira mak fó”, afirma nia.

Nune'e Jenerál Lere husu ba militár hothotu nafatin esforsu-an atu sai militar ne'ebé di'ak hodi serbí nasaun no povu.

Tanba esforsu atu sai militar didi’ak, biar laiha Kondisaun mas mínimu kondisaun iha, Governu tinan 2022 aumenta de'it Orsamentu ba vensimentu no ba hahán, mak tinan 20 forsas Armada nafatin, aumenta de'it osan ba vensimentu.

“Ita ema la'ós ita animal, Militár presiza karreta no buat hothotu, atu sai militar profesionál, Governu tenke hanoin ida ne'e, forsa armada la'ós atu simu de'it osan, no la'ós atu hán de'it, maibé forsas Armada iha atu serbí nia povu”, hatete nia.

Maske situasaun iha Institutuisaun F-FDTL sai preokupasaun tebes boot, maibé estadu dehan laiha osan, la buat ida, importante sai militár ida ne'ebé tenke pasiénte, hatene lori sakrifisiu, tenke respeita, hadomi, no marka-an nu'udar sidadaun Timor, marka-an nu'udar lutu nasaun nia.

"La'ós ita mak lakohi maibé ita-nia Governu mak lakohi fó atensaun, ha'u nu'udar imi-nia Komadante ha'u la'ós qualquer Komadante, ha'u-nia joventude lakon ba funu ida ne'e, e ha'u mós lakohi tan atu lakon ha'u-nia joventude, aproveita imi-nia joventude nu'udar Forsa Armada”, haktenik nia. (*)

Rate this item
(0 votes)
Last modified on Sunday, 19 December 2021 12:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter