"Partikularmente, UN Women mós orgullu hodi haree esforsus transformasionál-espesífikamente, iha MD no F-FDTL nia laran hodi promove mudansas ba igualdade jéneru iha Ita-boot sira-nia instituisaun laran. Dala ruma, ne’e difísil liu hotu atu lori mudansa iha laran no ha’u orgullu tebes duni katak ita iha dalan ida-ne’e”, dehan Amy Nishtha Satyam, iha enseramentu Treinamentu Lideransa Transformativa no Igualidade Jéneru ba Membru F-FDTL iha salaun City8 Haslaran, kinta (16/12).
Treinamentu ne’e hala'o durante loron haat (4) nia laran, no fahe ba ekipa rua mak hanesan, traballu grupu partner husi 25 nian, kompostu husi liña Ministerial sira inklui sosiedade sivil, ekipa segunda mak ba Ministerial Defeza nomós F-FDTL sira.
UN Women sei komprometidu nafatin hodi kontinua apoiu Ministériu Interiór, Instituisaun Governu no organizasaun sosiedade sivíl sira hodi promove igualdade jéneru para progresa ajenda FPS nian iha Timor-Leste inklui hodi promove partisipasaun iguál no inkluzivu iha vida públika.
Xefe Gabinete Estadu-Maior Jenerál F-FDTL,Tenente Koronél Mário Baptista "Bersama", husu ba UN Women atu kontinua fó kapasitasaun ba instituisaun sira seluk hodi ajuda sira iha ida instituisaun sira.
"Ami agradese nafatin ba ONG Belun, ne'ebé apoiu husi UN Women, halo programa ida ne'e hodi eleva sira nia koñesimentu ha'u hanoin ida ne'e inisiativa ida ke di'ak tebetebes, ita tenke fó koñesimentu ba sira hodi hasa'e sira ka koñesimentu no ikus mai sira bele ajuda sira ka komandante sira iha instituisaun”, dehan Mário Baptista.
Husi Programa Ekuidade Jéneru iha Timor Leste, UN Women halo parseria diresaun Nasionál prevensaun Konflitu hodi hasa'e koñesimentu parseiru implementasaun kona-ba Lideransa Transformativa ba Igualdade Jéneru (TLGE) iha Timor-Leste. (*)