PNTL so fó autorizasaun ba komunidade halo prezepiu mak tenke distansia husi dalan públiku ho metru 15.

"Ita sei ba hasai, tanba ita avizu tiha ona, ita la'os bandu, tanba ida ne'e parte ida mós kreatividade nu’udar sarani festeja ba loron ida ne'e, maibé dalan nasionál ita tenke komprende", dehan Armando tersa (14/12).

Nune'e mós sei hasai roda sira ne'ebé komunidade tau iha estrada hanesan iha prezepiu oin atu  movimentu ema bele asesu kreatividade ne'ebé implementa iha fatin prezepiu.

Tanba ne'e, apela ba komunidade Munisípiu Baukau tomak atu kontribui ba asuntu estabilidade seguránsa atu bele selebra festa natal no simu tinan foun 2022 iha ambitu paz no estabilidade.

Tuir observasaun www.tempotimor.com nota katak, hahú husi Kairavela to'o Baukau Vila iha fatin balun kontinua halo prezepiu besik iha dalan públiku ho distansia ne'ebé la ho metru 10 to'o 15 husi dalan públiku. (*)