"Ha'u so rezumu saida mak señor Ministru Defeza foin ko'alia katak realmente katak ita-nia kapasidade iha kontrolu Maritimu ita iha difikuldade, ita-nia ró rua (2) ke ita sosa iha Xina iha ha'u-nia tempu haruka pas tohar tiha tanba nia la aguenta kuandu tasi ne'e nia ondas to'o liman”, dehan PM Taur Matan Ruak iha nia intervensaun iha Parlamentu Nasionál (PN), segunda (13/12).
Iha tinan 2023 nasaun Viziñu Austrália sei fasilita ró rua atu konstrola iha kosta súl.
"Iha tinan 2023 Austrália sei fó rua (2) ne'e iha kapasidade ona ba patrulla iha kosta súl (tasi mane)”, afirma nia.
Maibé Forsa Aéreu nian sei iha Aviaun ida ne'e sei kontrola tasi sira, atu identifika nasaun sira ida ne'ebé mak sei la'o ilegál iha tasi Timór.
"Para haree no sistema intelejensia hotu, para hatene ró ne'e se nian mak mai halo peska Ilegál iha ne'ebá, Bandeira ne'ebé no kuantidade hira?. Para depois fasilita kontrolu”, hatete nia.
Tanba dadaun ne'e iha ona espesialista kuaze ema na’in-10 inklui jestor rekursu umanu ne'ebé antes ne'e haruka ba nasaun Filipina hodi reforsa oituan hadi’a no konstrolu sira iha tasi. (*)
