Print this page
Seguransa Defesa

PNTL Sei Buka Tuir Autór Sunu Uma-Adat Lospalos 

By December 11, 2021 3910
Uma tradisionál ne’ebé ema deskoñesidu sunu iha Suku Fuiloru, Postu Administrativu Lospalos, Munisípiu Lautein, sábadu (11/12). Uma tradisionál ne’ebé ema deskoñesidu sunu iha Suku Fuiloru, Postu Administrativu Lospalos, Munisípiu Lautein, sábadu (11/12). Foto Suplay

Tempotimor (Lospalos)‐Komandu Polísia Nasionál Timor-Leste (PNTL) deside buka tuir ma deskuiñesidu ne’ebé sai autór hodi sunu uma-adat (tradisionál) Lospalos, iha Suku Fuiluro, Postu Administrativu Lospalos, Munisípiu Lautein.

Akontese ne'e mosu iha loron11 fulan-Dezembru tinan-2021 (ohin) dadersan maizomenus tuku 11:00 oras timor-leste (otl). 

Komadante Komandu Polísia Nasionál Timor Leste (PNTL) Munisípiu Lautein, Superintendente António Rego Fernandes esplika, insendu ne'e akontese iha Suku Fuiluro ema deskuiñesidu sunu uma adat sentru kultural ida to'o mutuk.

Husi akontese insendu ne'e, parte seguránsa PNTL Munisípiu Lautein to'o kedas fatin hodi kontaktu ba parte Bombeiru, maibé to'o tarde nune'e ahi-han uma to'o mutuk.

"Uma adat antigu iha merkadu Lospalos sentru kulturál ne'e ohin dadersan ema deskuiñesidu sunu tiha, dadauk ne'e ekipa iha ona tereñu halo indentifikasaun ba suspeitu”, dehan António Rego Fernandes, ba www.tempotimor.com liuhusi telefone sábadu (11/12).

Bainhira ahi-han uma tradisionál ne’e komunidade sira hamrik hodi asiste de’it ekipa Bombeiru sira halo atuasaun, maibé ahi konsege han mutuk uma kakuluk no didin ne’ebé hela riin. (*)

Rate this item
(1 Vote)
Last modified on Saturday, 11 December 2021 14:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com