Login to your account

Username *
Password *
Remember Me

Tempu Udan Ahi-han António Nia Uma iha Baguia To'o Mutuk

Vítima Antonio Barros nia uma ne’ebé ahi-han mutuk iha Suku Hae-coni, kinta (09/12). Vítima Antonio Barros nia uma ne’ebé ahi-han mutuk iha Suku Hae-coni, kinta (09/12). Foto Suplay

Tempotimor (Baukau)-Loron 09 fulan-dezembru tinan-2021 ne’ebé tempu udan, maibé ahi-han vítima Benvindo António Barros nia uma iha Aldeia Larigua, Suku Hae-coni, Postu Administrativu Baguia, Munisípiu Baukau to’o mutuk.

Xefe Suku Hae-coni, Luis de Oliveira informa, la hatene kauza husi insendiu ne'e, tanba akontese derepente iha tempu udan.

"Kona ba sasan la salva ida, tanba uma na'in Benvindo nia ferikoan moras halo tratamentu iha Ospitál Dili, nia alin mak hein uma depois taka tiha odamatan ba to'os mak hela ahi-han nia uma", dehan Luis, viatelefone, sesta (10/12).

Nia parte mós ladauk rekolla dadus ba akontese, maibé iha akontesimentu ne’e, ahi-han uma kuaze mutuk hotu no sasan la salva.

Insendu ne’e, Autóridade Suku kontaktu ona ba Sentru Solidariedade Sosiál Munisípiu Baukau, maibé seidauk iha resposta ruma kona-ba apoiu emerjensia ba vitima sira.

Nune'e, Diretór Protesaun Sivil Munisípiu Baukau, Nelson Nunes mós hatete, husi insendu ne'e la indika ema ruma, tanba iha tempu kalan.

"Ajuda agora ita koordena ona ho sira iha Baguia, foin kontaktu ona atu apoiu emerjensia ba sira", nia informa

Apoiu emerjénsia ne'ebé ékipa protesaun sivil Munisípiu Baukau prepara atu fó ba vítima sira mak hanesan sasan dapur nian.

Alende ne'e mós husu ba komunidade sira ne'ebé mak hela besik iha fatin risku sira atu atensaun no hakmatek iha fatin bainhira tempu udan no anin. (*)

Rate this item
(0 votes)
Last modified on Friday, 10 December 2021 17:35
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter