Print this page

Membru Komponente Navál 100 sei Tuir Treinamentu Guardian iha Austrália

By December 09, 2021 772
Embaixador Austrália iha Timor-Leste, Peter Roberts. Embaixador Austrália iha Timor-Leste, Peter Roberts. Foto Suplay

Tempotimor (Dili)-Embaixador Austrália iha Timor-Leste, Peter Roberts hatete, iha tinan 2022 komandu Falintil-Forsa Defeza Timor Leste (F-FDTL) sei haruka membru forsa navál hamutuk atusida (100) ba tuir treinamentu kona-ba guardian iha Austrália.

Membru Komponente Navál 100 sei Tuir Treinamentu Guardiabn iha Austrália Treinamentu ba militar sira tenke la’o nafatin, tanba ne’e tinan 2022 militar husi komponente navál hamutuk na’in-100 sei aranka ba Austrália hodi tuir formasuan guardian iha ró laran.

“Ita iha ona planu tinan oin (2022), ita sei haruka militar husi navál hamutuk na’in-100 ba tuir kursu guardian iha ró laran”, dehan Embaixadór Austrália, Peter Roberts, iha Baze Komponente Navál Hera, kinta (09/12).

Nune'e Austrália kompromete katak sei fó treimanetu ba miliatar timoroan sira ho di’ak oinsá halo servisu iha tasi uza ró, tanba ne’e Austrália sei halo parseiru di’ak no importante hodi fó treinamentu ba militar sira.

“Bainhira ami halo parseiru di’ak ho Timor-Leste iha área sira hanesan ne’e sei iha programa pakote treinamentu inklui halo manutensaun ba ró sira atubele uza ba tinan naruk”, dehan nia.

Alende fó treimanetu ba military, Austrália mós sei hadi’a infraestrutura sira iha komponente Navál, tanba ne’e sei hadi’a mós portu ba ró hodi atraka.

“Ami fó treinamentu ba militar sira inklui mós atu hadi’a infraestrutura iha komponente navál hanesan portu atu ró bele para”, afirma nia.

Antes ne’e Xefe Estadu Maior Jerál F-FDTL, Tanente Jenerál Lere Anan Timur, agradese Governu Austrália, tanba kontinua iha kompromisu hodi bele apoiu nafatin Timor-Leste liliu área defeza.

“Ha’u lori instituisaun nian naran, ha’u agradese ba Governu Austrália bele fó apoiu ba dezemvolvimentu F-FDTL nian, partikularmente komponente navál”, hatete Lere. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items