"Ha'u husu, sai Timoroan orgullu bainhira sai patriota PNTL no prontu dedika an ba povu no nasaun RDTL ho Esperitu ne'ebé maka’as (semangat yang tingi) Timoroan ne'ebé tenke orgullu sai PNTL ne'e tenke”, deklara Agustinho Gomes, iha komandu munisípiu Dili, kinta (20/12).
Ho ida ne’e, performasain ne'e tenke konfia-an para marka prezensa iha povu nia leet, povu bele fó konfiansa no simpatia, tanba povu lakohi PNTL ida mosu iha públiku ho sabraut.
Nune'e Departamentu Justisa PNTL, hala'o vizita ba Kuartel komandu Munisípiu Dili, hodi promove, hametin relasaun.
"Mai atu promove no hametin relasaun entre departamentu justisa no komandu munisípiu Dili, halo passa revista ba aprezentasaun Pesoál no arumasaun fardamentu ba membru PNTL iha unidade ida ne'e, e depois halo enkontru ho komandu munisípiu Dili no estrutura para ko’alia oituan kona-ba garantia disiplina orden polísia no aplikasaun regulamentu disiplina normas no lei husi membru PNTL iha komandu ida ne'e”, esplika nia.
Entretantu departamentu Justisa Nasional, PNTL sei ko'alia no aprezenta ba komandu jerál hodi toma atensaun ba membru PNTL ne'ebé balun uza farda obralan. (*)