Print this page

Família Vítima Inundasaun 35 Hakarak Fila ba Munisípiu Orijen

By December 02, 2021 820
Sekretáriu Estadu Protesaun Sivíl (SEPS), Joaquin Gusmão. Sekretáriu Estadu Protesaun Sivíl (SEPS), Joaquin Gusmão. Foto Suplay

Tempotimor (Díli)-Sekretáriu Estadu Protesaun Sivíl (SEPS), Joaquin Gusmão hatete, família vítima desastre naturál ne’ebé hamosu Inundasaun iha loron 4 Abríl liuba, iha família hamutuk 35 ne’ebé konkorda ona atu fila ba sira-nia Munisípiu orijen.

"Agora dadaun iha dadus ne'ebé iha bele muda, sira ne'ebé mak hela iha koos iha kampu Real Madríd nian ne'e deside filal sira-nia família iha família 41, iha ne'ebá familia 21 mak prontu ona atu fila ba Munisípiu orijen, ne'ebé mak deside fila ba sira-nia família iha Dili hamutuk 15 no hela de'it lima (5) mak hein desizaun Governu”, dehan Joquim Gusmão ba www.tempotimor.com iha Parlamentu Nasionál,

kinta (02/12).

Tanba ne’e, kontinua informa ba komunidade sira ne'ebé hela iha mota ninin no iha rai lolon atu antisipa hela dook husi fatin sira ne’ebé identifika tanba lori risku ba vida moris.

"Agora dadaun ne'e ko'alia sira para oinsá bele muda, sai husi fatin risku sira ne'e, ida ne'e mós papél, husi Sekretária Estadu Protesaun Sivíl nian”, dehan nia.

Alende ne'e família vítima balun hela iha Dom Bosco Komoro iha família hamutuk 35, nune'e família 14 mak deside fila ba Munisípiu orijen.

"Iha Dom Bosco Komoro, família hamutuk 35, 14 deside fila ba Munisípiu orijen, no família ualu (8) deside fila ba família sira iha Dili no 9 mak sei hein desizaun Givernu nian”, dehan nia.  

Ba família sira ne'ebé mak deside fila ba Munisípiu orijen, dadaun SEPS fó ona material konstrusaun hodi hadi’a sira-nia hela fatin sira.

Família sira ne'ebé hela iha Kost kona-ba pagamentu alojamenntu provizoriamente ba sira ne'e Prezidente Autoridade Munisípiu Díli mak responsabiliza. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items