Ministru Prezidénsia Konsellu Ministru, Fidélis Leite Magalhães hatete, Sorumutuk Konsellu Ministrus nian iha loron 1 fulan-dezembru tinan 2021, aprova ho alterasaun ba Dekretu Governu kona-ba Regulamentu Internu husi Komisaun ba Asuntu Tasi ne’ebé aprezenta husi Ministru Defeza, Filomeno da Paixào de Jesus.
“Projetu Governu ne’e mai hafoin aprovasaun Dekretu-Lei nu. 39/2020, loron 23 fulan-setembru, ne’ebé kria Sistema Auditoria Marítima (SAM), no prevee ba Komisaun ba Asuntu Tasi, hanesan órgaun ne’ebé iha kompeténsia hodi ezerse kontrolu polítiku ne’ebé efetivu kona-ba atuasaun Autoridade Marítima Nasionál”, dehan Fidélis Iha Palásiu Governu, kuarta (01/12). (*)