Print this page

UPF Kaptura Sidadaun Indonézia Ida Ilegál iha Fronteira

By November 30, 2021 905
Sidadaun Indonézia JB ne'ebé hetan kapturasaun husi Unidade Patrollamentu Fronteira (UPF) iha área Mota-ain, segunda (29/11).  Sidadaun Indonézia JB ne'ebé hetan kapturasaun husi Unidade Patrollamentu Fronteira (UPF) iha área Mota-ain, segunda (29/11).  Foto Suplay

Tempotimor (Dili)-Polísia Nasionál Timor-Leste (PNTL) liuhusi Unidade Patrollamentu Fronteira (UPF) kaptura sidadaun Indonézia feto ida ne'ebé tama ilegál iha área fronteira terrestre entre Timor-Leste (TL) ho Indonézia. 

"Sim horseik dadersan ita kaptura tan Sidadaun Indonézia feto ida ho naran inisiál JB ho tinan 20 hanesan ne'e, husi Aldeia Lesupu, Suku Manumutin, Belu-Atambua, ne'ebé tama ilegál liu husi área tasi ibun Mota-Ain, no ita kaptura bainhira ita-nia UPF sira halo vizilansia iha área fronteira terrestre entre Timor-Leste (TL) ho Indonézia”, dehan Komandante UPF, Superintendente Euclides Belo, liuhusi telefone, tersa (30/11).

Dadaun ne'e segundu komandante UPF Postu Mota-Ain, Ajente Xefe Martinho Ximenes, halo ona auto entrega ba Komandante Postu Servisu Migrasaun Mota-Ain, Sarjentu Xefe Moises Barros, hodi prosesu identifikasaun tuir lei Migrasaun nian.

Entretantu Komandu UPF garante kontrola movimentu sidadaun sira halo transasaun ilegál iha fronteira. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items