Login to your account

Username *
Password *
Remember Me

PNTL Kristu Rei 'Hamaus' Estudante ESJ iha Bekora Hakribi Violénsia

Komandante Eskuadra Postu Kristu-Rei, Inspetór Alexandrino da Costa ‘Samurai’. Komandante Eskuadra Postu Kristu-Rei, Inspetór Alexandrino da Costa ‘Samurai’. Foto Suplay

Tempotimor (Dili)-Komandu Polísia Nasionál Timor-Leste (PNTL) Munisípiu Díli liuhusi Komandante Eskuadra Postu Kristu-Rei, Inspetór Alexandrino da Costa ‘Samurai’, hamaus estudante Ensinu Sekundária Jerál (ESJ) 12 Novembru no 5 de Maio atu hakribi violénsia.

"Husu hakraik-an, respeitu ba ita-boot sira hotu, estudante, liliu 12 novembru ho 5 de maio. Hanesan komandante eskuadra fó nafatin atensaun ba ita-boot sira, primeiru ses-an husi violénsia, labele provoka malu, tuda malu bebeik”, dehan nia hafoin hala'o diálogu ho estudante ESJ 12 Novembru no 5 de maio iha Bekora, segunda (29/11).

Tanba, agora tempu ona atu estudante sira atu foku ba eskola no mantein espíritu nasionalizmu tuir prinsipiu ne’ebé uluk luta na'in sira uza mak mate ka moris nasaun Republika Remokratika Timor-Leste (RDTL), tenke ukun rasik-an, ida ne'e siknifika Timor-Leste agora tenke ba oin, no la'ós ba fali kotuk.

"Horisehik mós ita komemora proklomasaun dia de independénsia ba ulteraterál iha 28 novembru 1975 nian. Hanesan komandante eskuadra fó nafatin atensaun ba ita-boot sira, hanoin foku ba eskola, sè ita mai eskola la estuda didi’ak ita sei la hetan buat ida”, esplika nia.

Dadauk estudante barak mak inan-aman hanesan toos-na'in no natar-na'in esforsu tebes hodi buka osan ba nia oan atu eskola maibé se mai mak la estuda, ida ne'e sei la valoriza inan-aman nia dignidade ba mundu, no ba família.

Tanba ne'e, pontu importante ne’ebé PNTL hakarak ko’alia mak bom komportamentu (kelakuan baik), se bainhira sei estudante mak halo krime bebeik, aban bainrua sei ba rejistu, halo verifikasaun, iha krime ruma, mak sira sei la hetan bom komportamentu.

"Tanba ida ne'e kriteria ne’ebé importante liu implementa iha mundu hotu”, afirma nia.

Purtantu diálogu ne'ebé Komandu PNTL Munisipiu Dili hamutuk ho eskuadra Kristu Rei hala'o ho estudante sira husi ESJ 12 novembru no 5 de maio, hetan partisipa husi Administradór Postu Kristu Rei, Xefe Suku Bekora, Xefe Aldeia, Komisaun Reguladora Arte Marsiál (KRAM), no Konsellu Konservasaun Juventude Timor iha resintu 12 novembru.

Atividade diálogu refere sai hanesan dalan ida ne’ebé bele rezolve problema hothotu, liliu fó solusaun ba problema (tuda-malu) entre estudante sira husi Eskola Sekundária Jerál (ESJ) 12 Novembru ho 5 de maio, ne'ebé akontese iha loron sábadu (27/11). (*)

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter