Reseita hirak ne'e mai husi postu fronteira rua, hanesan Mota Masin-Salele, no Mota Ain Batugade, ne'ebé Tránzitu destaka ba hodi halo vijilánsia ba sirkulasaun transporte husi estranjeiru.

"Ha'u hakarak mós aprezenta ba maluk sira katak, tránzitu Nasionál destaka nia postu fronteira rua iha Mota Masin-Salele, no Mota Ain Batugade, husi postu rua ne’e iha fulan-novembru nia laran ita hatama osan ba kofre estadu husi sirkulasaun karreta estranjeiru ne'ebé tama iha ita-nia territóriu nasionál hamutuk US$8,832 dólar, ne'e husi fatin rua”, dehan xefe Departamentu Tránzitu seguransa rodoviariu nasionál, Superintidente João Belo D.Reis,iha Komandu Jerál, Kaikoli (29/11).

Aleinde ne'e iha semana kotuk, loron 23 fulan-novembru Tránzitu Nasionál hatama reseita ba iha kofre Estadu hamutuk US$2.617.

Entretantu iha tinan 2021 ne'e, PNTL garante sei hatama reseita ba kofre estadu hamutuk Rihun US$ 250. (*)