Sidadaun na’in-3 ne’e, membru UPF kaptura iha loron 27 novembru 2021, iha feto idaorijen husi Munisípiu Bobonaro, no mane na’in-2 husi Ainaro no Lautein.
Komandante UPF, Superintendente Euclides Belo, deklara , sidadaun ne’e membru UPF servisu sekreta kaptura liuhusi operasaun rutina iha fronteira terrestre Timor-Leste ho Indonézia.
“Atu konfirma de’it ohin (27/11) dader tuku 9, ita-nia membru UPF Postu Badut Mean kaptura sidadaun timoroan na’in-tolu, mane na’in-rua ho inisiál CbS tinan 34, no MrA tinan 19 inklui feto na’in-ida ho inisial PG tinan 23, ne’ebé tama ilegál husi nasaun viziñu Indonézia mai territóriu nasionál no ne’ebé kaptura husi UPF ne’ebé halo vijilánsia iha área Mota-Ain”, informa Euclides Belo, iha Batugade, sábadu (27/11).
Joven na’in-tolu ne’e foti ona identifikasaun no kontinua halo prosesu investigasaun wainhira kumpri ona kuarentena durante loron 14 iha Mota-Ain.
“Sidadaun na’in-3 ne’e, iha feto ida mak hanesan estudante iha Sekolah Tinggi Ilmu Kesehatan Surya Mitra Husada Kediri-Indonézia husi Bobonaro no hela iha Dili, enkuantu mane na’in-rua seluk husi Ainaro no Lautein-Lospalos no sira ba Indonézia antes pandemia Covid-19, foin fila mai”, afirma nia. (*)
