Print this page

Brigadeiru Coliati Konfia Jerasaun Foun Sei Dezenvolve F-FDTL iha Futuru 

By November 26, 2021 974
Xefe Estadu Maior Forsa Defeza Timor-Leste(F-FDTL), Brigadeiro Jenerál, Calisto Santos "Coliati". Xefe Estadu Maior Forsa Defeza Timor-Leste(F-FDTL), Brigadeiro Jenerál, Calisto Santos "Coliati". Foto Suplay

Tempotimor (Dili)-Xefe Estadu Maior Forsa Defeza Timor-Leste(F-FDTL), Brigadeiro Jenerál, Calisto Santos "Coliati" deklara, nia parte konfia jerasaun foun sira sei dezenvolmentu instituisaun F-FDTL iha futuru.

"Ha'u la gaba militár sira,maibé ha'u konfia katak sira sei dezenvolve, tanba sira diferente husi ami katuas sira mai husi ai-laran. Nune'e Institutuisaun F-FDTL garantia no konfia ema kapasidade foinsa’e ninia katak militár ne'e forte, ami esperansa, aban bairua ami katuas sira (jerasaun foun) ne'e prontu para bele tutan hodi lori ita-nia Institutuisaun ne'e ba oin hodi garante seguransa defesa ba ita-nia rai”, afirma  Coliati iha Kuartel Jenerál Fatuhada, sesta (26/11).

Tanba ohin loron jerasaun foun sira mai ho kapasidade ne'ebé di'ak, no dadaun ne'e mós F-FDTL maioria estuda hela iha rai liur hodi prepara ba futuru.

"Ho nune'e ha'u garantia no ha'u iha esperansa katak sira sei dezenvolve Institutuisaun F-FDTL iha futuru ho di'ak”, dehan nia.

Entretantu F-FDTL sira ne'ebé dadaun ne'e estuda iha nasaun sira hanesan Estadu Unidu Amerika, Austrália, balun fila mai tanba Corona, maibé balun sei kontinua estuda, balun iha Xina, Índia hodi kontinua nafatin sira nia formasaun no estudu. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items