"Tuir lolos ne'e passa revista fora husi Komandu PNTL munisípiu Dili nia oin, kada vez distánsia dook husi komandu maibé situasaun ou problema ne'ebé mak oras ne'e dadaun Polísia Tránzitu enfrenta mak transporte. Transporte sira hakdasak hotu, entaun ita prefere passa revista iha komandu munisípiu nia oin, hahú husi dia 23 no 24 até a data”, dehan Komandante Tránzitu Munisípiu Dili, inspetór Domingos Sarmento Gama, iha kaikoli, kinta(25/11).

Ba pasa revista ne’ebé hala’o iha loron 23 fulan-novembru, konsege prende infrator ka evidénsia transporte hanesan motorizada hamutuk 12, no iha loron 24 mós prende infrator motorizadas hamutuk 39 no infrasaun hirak ne'e PNTL passa multa ba sira hodi selu iha BNCTL.

"Portantu transporte ne'e difikulta tebes tránzitu Dili nia servisu, tránzitu Dili ne'e nia lokaliza iha kapitál nasaun nia, entaun ne'e ninia servisu ne'e diferente ho kapitál munisípiu sira seluk,se enkuantu transporte mak difikulta ona ne'e problema boot,no   problema hirak ne'e  ita hato'o ona pedidu ba iha komandu maibé  nafatin situasaun hanesan ne'e”, hatete nia.

Aleinde ne'e PNTL la implemeta lei kódigu estrada ba sidadaun sira liliu kona-ba polusaun nia, tanba karreta tránzitu nia ne'e aat liu.

"Se ita emplementa lei Kódigu estrada ne'e ba ita-nia sidadaun sira, liliu kona-ba  transporte polusaun ne'e nia pena multa ne'e boot liu, maibé ne’e ita labele implemeta tanba polusaun transporte tránzitu ninia ne'e mós  lque aat liu fali Komunidade ninia, nune'e  atividade ne'e ita la implemeta”, afirma nia.

Maibé  passa revista ba dokumentu hotu la'o nafatin hanesan baibain. (*)