"Loron 28 halo iha munisípiu Baukau e forsas armadas sei garantia seguransa, ida ne'e mak ha'u informa ba Prezidente", dehan Tenene Jenerál Lere hafoin hasoru malu ho PR Lú Olo iha Palasíu Prezidensiál Bairopite, kuarta (23/11).
Maske situasaun iha Baukau la hakmatek, tanba joven sira baku malu, tuku malu maibé seremónia Estadu nian tenke halo nafatin.
Antes ne'e mós Tenente Jenerál Lere, husu ba Polisía Nasionál Timor-Leste (PNTL) no autóridade munisípiu Baukau atu toma medida ba ema kriminozu no indispilinadu sira ne'ebé hakarak kria instabilidade iha komemorasaun 28 novembru.
"28 novembru 2021 ita komemora loron proklamasaun da Indepedénsia ba dala-46 iha munisípiu Baukau, ho ida ne'e husu ba Polisía Nasionál Timor-Leste (PNTL) tenke toma medida fortes nomós autoridade munisípiu tenke toma media ba ema kriminozu sira, ema indispilinadu sira no ema ne’ebé hakarak kria instabilidade iha momentu sira hanesan ne'e”, dehan Tenente Jenerál Lere. (*)
