"Seguransa ne'e mak ohin ha’u hatete ne'e, o bele halo moru mós nafatin, tanba sira-nia interese ne'e. Entaun inkonsiénsia ne'e husi ne'ebé, polísia mak sala ka ema sira ne'ebé negosiánte sira ne'e mak sala”,dehan Prezidente Komisaun B, José Agustinho Siqueira "Somotxo Matar Mimiraka”, iha PN, tersa (23/11).
Husu komunidade labele halo trasasaun ilegál liliu hatama kilat-anin, tanba sei laiha benifisiu ba nasaun.
"Se o lori kilat mai, maske bandu ona mós o hatama mai. Ne’ebé as vezes ita dehan politika seguransa mak sala, la'e, maibé komunidade”, dehan nia.
Maibé, Komisaun B haree katak kestaun trasasaun Ilegál ne'e, ema balun mós dalaruma iha interese oituan, tanba ne'e sira iha fronteira ne'eba kontinua tama mai.
Purtantu, iha loron sesta (19/11), Polísia Nasionál Timor-Leste (PNTL) liuhusi Kompaña Operasaun Espesial (COE) no Unidade Patrullamentu Fronteira (UPF), hala'o kapturasaun ba sidasaun timoroan mane-ida ho inisiál MB, tanba halo tranksisaun ilegál ba tábaku (joker) hamutuk karon-lima iha fronteira rai Timor-Leste no Indonézia.
Nune'e mós, liuhusi ekipa Alfa Forsa Rezerva (AFR) halo patrullamentu iha área Tunubibi, deteta sirkluasaun atividade komersiu ilegál ba kilat-anin ho marka sharp tiger hamutuk 8 no fugetis kaixa tolu ne'ebé tama ho ilegalmente iha área fronteira Indonézia no Timór-Leste. (*)