"28 novembru 2021, ita komemora loron proklamasaun da Indepedénsia ba dala-46 iha Munisípiu Baukau ho ida ne'e husu ba Polísia Nasionál Timor-Leste (PNTL) tenke toma medida forte hanesan mós autoridade Munisípiu tenke toma medida ba ema kriminozu sira, ema indispilinadu sira no ema ne’ebé hakarak kria instabilidade iha momentu sira hanesan ne'e”, deklara Tenente Jenerál Lere, iha edifísiu Polísia Militár (PM), Kontal Boot, tersa (23/11).
Tanba Baukau ema hothotu dehan foin dadauk ne'e muturabu, oho malu maka’as no tanba saida mak sira oho malu beibeik, maibé sira ne'e mós hanesan knuk ou baze Rezisténsia Armada ninia mas saida mak halo sira halo buat ne'e.
Maibé hanoin katak selebrasaun loron 28 Novembru halo iha ne'ebá Estadu nia serimonia, no fiar katak la iha ema ida atu mai halo sabutase ba Estadu nia serimonia ne'e.
"Ha’u fiar katak Baukau ne'e muda-an no sei manán konsiensia tanba sira ne'e baze Rezisténsia armada ninia, no baze ba ita-nia liberdade ita-nia Indepedénsia. Ha’u hanoin katak sira sei manán konsiensia, no komemorasaun ne'e sei la'o ho di'ak”, afirma Lere. (*)
