Login to your account

Username *
Password *
Remember Me

Transporte Difikulta PNTL Atende Asidente ho Lalais 

Tempotimor (Dili)-Komandu Polísia Nasionál Timor-Leste (PNTL) munisípiu Dili, liuhusi Departamentu Tránzitu Nasionál, sempre kontrolu  movimentu rodoviáriu no atende asidente iha kapitál ho tarde tanba transporte aat hodi difikulta servisu.

“Balun lamentável ho Polísia Tránzitu ninia atendimentu, kadaves asidente sira ami atende ho tarde, no movimentu seguransa rodoviáriu mós kadaves ita-nia kontrolu ladún másimu, razaun tanba kondisaun transporte ne’ebé mak Polísia Tránzitu iha, kuaze aat hotu, entaun sé kondisaun transporte mak la ajuda siknifika ita-nia atividade totalmente paradu, maibé mós la siknfika paradu hotu”, dehan Diretór Departamentu Tránzitu Munisípiu Dili, Inspetór Domingos Sarmento Gama, iha Kaikoli, segunda (22/11).

Ho ida ne’e, Komandu Polísia Munisípiu tenta husu apoiu transporte bá Komandu Jerál Polísia Nasionál Timor-Leste, maibé laiha resposta, tanba eskuádra polísia nomós seksaun sira hasoru hotu problema hanesan.

Maibé problema hirak ne’e la sai kestaun nomós la hamate sira-nia espíritu atu kontinua hala’o servisu hodi kontribui reseita ba kofre Estadu.

"Ita iha vontade servisu, maske kondisaun bá Tránzitu Munisípiu Dili ne’e ladún kondiz par ita atu halo servisu, maibé ami iha vontade mak kadaves ami mós konsege hatama osan bá kofre Estadu, nune’e mós iha kazu lubuk ida mak ita halo prosesu”, afirma nia.

Tanba servisu tránzitu rodoviáriu importante iha nasaun ida atu kontrola di’ak liután movimentu rodoviáriu hodi bele la’o ho di’ak no organizadu liu.

Entretantu, Polísia Tránzitu Nasionál iha veíkulu hamutuk 14, entre veíkulu hirak ne’e iha motorizada hamutuk 10 no karreta pick-up 4 ne’ebé sosa iha tinan 2007 no 2008, maibé dadaun ne'e avaria hotu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter