Print this page

Notáriadu Baukau La Seguru ba Funsionáriu Iha Tempu Udan

By November 22, 2021 693
Kondisaun atual Edifísiu Servisu Munisípal Notáriadu no konservadór Munisípiu Baukau, segunda (22/11). Kondisaun atual Edifísiu Servisu Munisípal Notáriadu no konservadór Munisípiu Baukau, segunda (22/11). Foto Tomas Freitas

Tempotimor (Baukau) - Edifísiu Servisu Munisípal Notáriadu no konservadór Munisípiu Baukau, la seguru ba funsionáriu sira atu hala’o servisu iha tempu udan, tanba udan-been tama de’it ba fatin eskritóriu.

Notário no konservadór Munisípiu Baukau, Armando de Jesus Carvalho hatete, edifísiu ho kondisaun ne’ebé la diak ona, tanba dezde tempu okupasaun indonesia to’o agora sidauk iha reabilitasaun.

"Ami-nia prekupasaun mak eskritóriu, bainhira udan ami araska bee tama, tanba uma ne'e tempu indonesia nian sala PKK to'o agora hanesan ne'e de'it," dehan Armando de Jesus Carvalho iha kna'ar fatin vila nova, segunda (22/11).

Parte diresaun rasik submete proposta ba autoridade Munisípal Baukau iha tinan 2019, maibé seida'uk resposta.

Tanba ne'e, servisu notáriadu Munisípiu Baukau nafatin hein atu halo konstrusaun foun bazeia ba proposta ne'ebé hato'o, tanba iha tempu udan bele fó ameasa ba dokumentu importante sira.

"Udan makas liu mak anin bo'ot parede nakdoko entaun ami tenke sai, ba tiha sorin", nia afirma

Entertantu notariadu Munisípiu Baukau fó atendimentu ba kliente sira kada loron hamutuk na'in-50 resin ba leten. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items